قورعانىس مينيسترلىگىنىڭ بولجامىنشا 2030 جىلى قازاقستاندا سوعىس بولادى – ەرمۇرات باپي

فوتو: اشىق دەرەككوز

ءماجىلىس دەپۋتاتى ەرمۇرات باپي بيۋدجەت تاپشىلىعىنا دەگەن وكپەسىن ايتتى, دەپ حابارلايدى qandastar.kz Alash.kz ۇلتتىق پورتالىنا سىلتەمە جاساپ.

ول قازاقستان بيلىگىنىڭ قورعانىس مينيسترلىگىنە توگەتىن اقشاسىنىڭ تىم از ەكەنىن ايتتى.

«بيۋدجەتتەگى تاپشىلىق! كەپكەن تۋلاق سياقتى دۇنيە عوي. ەشكىنىڭ كەپكەن تەرىسى سياقتى – بىلاي تارتساڭ بىلاي جەتپەيدى, بىلاي تارتساڭ بىلاي جەتپەيدى. ەكى جاققا تارتساڭ, جىرتىلىپ, ايىرىلىپ كەتۋى مۇمكىن. ەگەر ءبىز گەوساياسي تاۋەكەلدەردى ەسەپكە الساق, وسى تاپشىلىقتىڭ ءبارى تۇككە تۇرماي قالادى. سوندىقتان مەن ۇلتتىق ەكونوميكا مينيسترلىگىنەن سۇرايىن دەدىم. قورعانىس سالاسىنا بولىنگەن سوما كورسەتىلدى. بىراق بۇل ساندار بىزگە ەشنارسەنى كورسەتپەيدى. ۋكرايناداعى جاعدايمەن سالىستىرعاندا… جالپى ىشكى ءونىمنىڭ قانشا بولىگىن قورعانىس مينيسترلىگىنە ءبولىپ وتىرسىزدار? – دەپ سۇرادى ەرمۇرات باپي.

2030 جىلى سوعىس بولىپ قالۋى مۇمكىن ەكەنىن دە باسا ايتتى.

«بيىلعى بيۋدجەتتە 0,8, كەلەسى 0,4% دەيسىز. بۇل نە قارجىلاندىرۋ? كىم جاۋاپ بەرەدى? قورعانىس مينيسترلىگى قازىر ءبىزدىڭ قاۋىپ-قاتەر مىناۋ… مامانداردىڭ ەسەبى بويىنشا 2030 جىلى سوعىس بولادى. سونداي تاۋەكەل بار. ول, ءتىپتى, ءبىزدىڭ قورعانىس ۆەدومستۆوسىندا سونداي بولجام بار. الەمدىك ساراپشىلاردى ەسەپكە الماعاندا! وسىنداي جاعدايدا ءبىزدىڭ قورعانىس سالاسىنا 0,4% ءبولۋ دەگەن, بۇل نە? نە «زاگوۆور» بۇل? قايدان شىققان ەسەپ بۇل? ءبىز مۇنى ءالى كوتەرەمىز! – دەيدى ەرمۇرات باپي.