Qorǵanys mınıstrliginiń boljamynsha 2030 jyly Qazaqstanda soǵys bolady – Ermurat Bapı

Foto: ashyq derekkóz

Májilis depýtaty Ermurat Bapı bıýdjet tapshylyǵyna degen ókpesin aıtty, dep habarlaıdy qandastar.kz Alash.kz ulttyq portalyna silteme jasap.

Ol Qazaqstan bıliginiń Qorǵanys mınıstrligine tógetin aqshasynyń tym az ekenin aıtty.

«Bıýdjettegi tapshylyq! Kepken týlaq sııaqty dúnıe ǵoı. Eshkiniń kepken terisi sııaqty – bylaı tartsań bylaı jetpeıdi, bylaı tartsań bylaı jetpeıdi. Eki jaqqa tartsań, jyrtylyp, aıyrylyp ketýi múmkin. Eger biz geosaıası táýekelderdi esepke alsaq, osy tapshylyqtyń bári túkke turmaı qalady. Sondyqtan men ulttyq ekonomıka mınıstrliginen suraıyn dedim. Qorǵanys salasyna bólingen soma kórsetildi. Biraq bul sandar bizge eshnárseni kórsetpeıdi. Ýkraınadaǵy jaǵdaımen salystyrǵanda… Jalpy ishki ónimniń qansha bóligin qorǵanys mınıstrligine bólip otyrsyzdar? – dep surady Ermurat Bapı.

2030 jyly soǵys bolyp qalýy múmkin ekenin de basa aıtty.

«Bıylǵy bıýdjette 0,8, kelesi 0,4% deısiz. Bul ne qarjylandyrý? Kim jaýap beredi? Qorǵanys mınıstrligi qazir bizdiń qaýip-qater mynaý… Mamandardyń esebi boıynsha 2030 jyly soǵys bolady. Sondaı táýekel bar. Ol, tipti, bizdiń qorǵanys vedomstvosynda sondaı boljam bar. Álemdik sarapshylardy esepke almaǵanda! Osyndaı jaǵdaıda bizdiń qorǵanys salasyna 0,4% bólý degen, bul ne? Ne «zagovor» bul? Qaıdan shyqqan esep bul? Biz muny áli kóteremiz! – deıdi Ermurat Bapı.