«Qorqynyshty eken» – Tramp ýkraınalyq bosqyn qyzdyń ólimi jaıly

Foto: ashyq derekkóz

AQSh prezıdenti Donald Tramp 23 jastaǵy ýkraınalyq bosqyn Irına Zarýkaıanyń óltirilýine qatysty pikir bildirdi, dep habarlaıdy qandastar.kz

Qyzdy 22 tamyz kúni metro stanııasynda pyshaqtap óltirgen.

Jýrnalıstermen qysqa áńgime barysynda Tramptan ýkraınalyq bosqyn Irına Zarýkaıanyń óltirilý sáti túsirilgen vıdeo jaıly suraldy.

«Qorqynyshty eken. Men mundaıdy estimeppin. Qashan boldy?» – dep jaýap berdi AQSh prezıdenti. Reporter qylmystyń tamyz aıynda jasalǵanyn, alaıda beınejazba tek jaqynda ǵana kópshilikke taralǵanyn túsindirdi.

Oǵan jaýap retinde Tramp isti qarastyratynyn aıtty.

«Men vıdeony qarap, erteń tańǵa deıin barlyq málimetti biletin bolamyn», – dedi prezıdent.

Eske salsaq, AQSh-tyń Soltústik Karolına shtatynda úısiz er adam Ýkraınadan kelgen bosqyn Irına Zarýkaıany óltirgen bolatyn.

turkystan.kz jazǵandaı,  qylmys 22 tamyzda Sharlott qalasyndaǵy jeńil relsti tramvaı stanııasynda jasaldy. Degenmen, qylmys sáti túsirilgen kadrlardy jergilikti BAQ tek búgin ǵana jarııalady.

23 jastaǵy ýkraınalyq qyzdyń ólimine kúdikti retinde 34 jastaǵy Dekarlos Braýn tanyldy. Er adam urlyq úshin birneshe ret qamaýǵa alynǵan, sondaı-aq qarýly tonaý jasaǵany úshin bes jyl túrmede otyrǵan.

«Polıııa onyń tutqyndalyp, birinshi dárejeli kisi óltirý aıybymen aıyptalǵanyn habarlady», – delingen aqparatta.