«Qorqynyshty fılmdegideı»: Astanada ábden tozyǵy jetken jataqhana tabyldy

Foto: Vıdeodan skrın

Bloger Astanada ornalasqan, ábden tozyǵy jetken jataqhanany kórsetti, dep jazdy qandastar.kz

Nysannyń qabyrǵalary túsip, ájethanasy men jýynatyn bólmesi qırap jatyr. Bul týraly Stan.kz aqparat agenttigi habarlaıdy.

Bloger Toǵjan Kamzebaeva jataqhanada túsirilgen vıdeony jelide júktedi. Ol buǵan deıin de qarapaıym jataqhanalardaǵy turmys jaǵdaıyn kórsetip júrgen edi. Ol bul joly Lýı Paster kóshesi, 73-úıdegi jataqhanany sholyp shyqqan. Kadrlarda qabyrǵasy túsken, ájethanasy men jýynatyn bólmesi qıraǵan jataqhana kórsetilgen.

«Men talaı jataqhanalardy araladym, biraq mundaı jaǵdaıdy birinshi ret kórip turmyn», – dedi bloger.

Atalǵan jaǵdaıǵa qatysty Stan.kz tilshisi Astana qalasynyń Turǵyn úı jáne turǵyn úı ınspekııasy basqarmasynan mán-jaıdy surap bildi.

Olardyń málimetinshe, bul nysan apatty úıler tizimine engen. Bul jerdiń turǵyndary 2026 jyly jańa páterlerge qonystanady.

«2023-2029 jyldarǵa arnalǵan turǵyn úı-kommýnaldyq ınfraqurylymdy damytý tujyrymdamasyna sáıkes qalada apatty eski úılerdi buzý júzege asyrylyp jatyr. Astana qalasyndaǵy apatty úıler tizimine sáıkes Lýı Paster kóshesindegi, №73 úı 2025 jylǵa arnalǵan josparǵa engizilgen. Qazir turǵyndardan qujat jınaý rásimderi júrip jatyr. Apatty jaǵdaıdaǵy №73 úıdiń turǵyndary 2026 jyldyń I toqsanynda jańa páterlerge qonystandyrylady. Osydan keıin atalǵan jataqhanany buzý josparlanǵan. 2025 jylǵy 28 shildede Astana qalasy Turǵyn úı jáne turǵyn úı ınspekııasy basqarmasynyń ókilderi Baıqońyr aýdany ákimdigimen birlesip, Lýı Paster kóshesindegi №73 apatty úıdiń turǵyndarymen kezdesý ótkizdi. Kezdesý barysynda aldaǵy kóshirý máselelerine qatysty túsindirý jumysy júrgizildi», – delingen habarlamada.

Jataqhananyń jaǵdaıyn kórgen jeli qoldanýshylary bul ǵımaratqa qorqynyshty fılm túsirýge bolatynyn aıtyp, bılikti synǵa aldy.

«Qorqynyshty fılm túsirýge suranyp turǵan oryn eken», «Jaqsy ómir súrýge tyrysý árkimniń óz erkindegi nárse. Máselen, ák – 300 teńge, boıaý – 1500 teńge turady. Bul eki qorap temekiniń baǵasy ǵana», «Prezıdent, mınıstr, depýtatty osy jerge ertip ákelý kerek», «Úkimet pen mınıstrler qaıda qarap otyr? Bizde mundaı jataqhanalar óte kóp. Stýdentterge janyń ashıdy. Artta qalǵan el», «Túrmelerdiń ózinde jaǵdaı budan jaqsy shyǵar. Bul nysan keńes zamanynan beri osylaı tur. Eshqashan jóndeý júrgizilmegen. Qorqynyshty jaǵdaı», – dep jazdy olar.