جاڭالىقتار
كوروناۆيرۋس: الماتىداعى ەپيدەميولوگيالىق احۋال قانداي?
كوۆيدپەن الماتىدا اۋىرىپ جاتقاندار بار. ءدام سەزبەي جۇرگەندەر بولعانىمەن دارىگەرلەر قورقاتىن قاۋىپ جوق دەپ وتىر. بىراق قوعامدىق ورىندا بەتپەردە كيگەن ءجون. قازىر شاھارداعى احۋال قالاي? مەگاپوليس تۇرعىندارىنا قانداي شەكتەۋ قويىلۋى مۇمكىن? وسى جانە وزگە سۇراقتاعا «الماتى»تەلەارناسى ستۋديا قوناعى سانيتارلىق ەپيدەميولوگيالىق دەپارتامەنتىنىڭ ءبولىم باسشىسى جايداركۇل وتاربەكوۆا جاۋاپ بەرەدى
الماتى قالاسىنىڭ كوروناۆيرۋس بويىنشا ەپيدەميولوگيالىق جاعدايى تۇراقتى. بيىل 192 كوروناۆيرۋس ينفەكتسياسى تىركەلىپ وتىر, ونىڭ ىشىندە 80 پايىز ەرەسەكتەر, 15 پايىزى14 جاسقا دەيىنگى بالالار اراسىندا انىقتالدى. سونىمەن قاتار 88 پايىزعا جۋىعى ءوز بەتىمەن كەلىپ قارالعان تۇرعىندار اراسىندا تىركەلدى.
– قايتادان پتر تەست تاپسىرۋ مىندەتتەلۋى مۇمكىن بە? قانداي شەكتەۋلەر قويىلادى? جالپى بولجام قانداي?
– حالىق اراسىندا مىندەتتى پتسر تەست جۇرگىزۋ جوسپارلانىپ وتىرعان جوق. سونىمەن قاتار شەكتەۋ ءىس-شارالارىن دا ەنگىزۋ قاراستىرىلىپ جاتقان جوق. بىراق ايتا كەتەتىن جايت, ءجىتى رەسپيراتورلىق ۆيرۋستىق ينفەكتسيالار مەن تۇماۋ ينفەكتسياسى بويىنشا ەپيدەميولوگيالىق ماۋسىم جالعاسىپ جاتىر. كۇندەلىكتى كوروناۆيرۋس ينفەكتسياسىنىڭ تىركەلۋىنە بايلانىستى اۆتوۆوكزالدار, ۆوكزالدار, اۋەجايلار, مەديتسينالىق مەكەمەلەر, ويىن- ساۋىق ورىندارىندا مەديتسينالىق ماسكا كيۋ ۇسىنىلادى. بولجامعا كەلەتىن بولساق, جرۆي جانە تۇماۋ ينفەكتسياسىنىڭ تىركەلۋىنە بايلانىستى جانە كوروناۆيرۋس ينفەكتسياسىنىڭ كۇندەلىكتى تىركەلىپ وتىرۋىنا بايلانىستى ءوسىم بولۋى مۇمكىن.
