Koronavırýs ınfekııasynan keıin kámelet jasyna tolmaǵan balalardyń mıy qartaıyp ketken

Foto: ashyq derekkóz

AQSh ǵalymdary búkil álemdi sharpyǵan koronavırýs pandemııasynan keıin jasóspirimderdiń mıynyń qartaıyp ketkenin málimdedi. Bul týraly Stan.kzaqparat agenttigi Informbıýro baǵdarlamasyna silteme jasap habarlaıdy.

AQSh ǵalymdary júrgizgen zertteýge sáıkes, jetkinshek qyzdardyń mıy orta eseppen 4 jyl eki aıǵa, al er balalardyń mıy bir jarym jylǵa qartaıyp ketken.

Ǵalymdar balalardyń pandemııaǵa deıin túsirilgen mı qyrtysynyń sýretterimen odan keıingi sýretin salystyrǵan kezde, ózgeristerdi baıqaǵan. Zertteýshilerdiń sózinshe, jasóspirimder stresske beıim, ári mıy da asa sezimtal keledi. Indetten keıin balalar mıynyń qartaıýynyń jedeldegeni osydan dep esepteıdi.

Ǵalymdardyń deregine sáıkes, muny qalypqa keltirý úshin jetkinshekterge psıhıkalyq qoldaý kórsetý mańyzdy.Balalardy áleýmettik jelilerden alshaqtatyp, ortasymen qarym-qatynasyn jaqsartýǵa múmkindik jasaý kerek deıdi olar.

Aıta keteıik, buǵan deıin Densaýlyq saqtaý mınıstrligi Qazaqstandaǵy koronavırýs jaǵdaıyna qatysty málimdeme jasaǵan edi. Vedomstvonyń málimetinshe, bıyl jyl basynan beri koronavırýs ınfekııasynyń 1290 jaǵdaıy tirkelgen. Kóp jaǵdaıda aýrý jeńil ótedi deıdi.