الەم جاڭالىقتارى
كوروناۆيرۋس قىتاي زەرتحاناسىندا جاسالعان بولىپ شىقتى
فوتو: picture alliance/Getty Images
كوروناۆيرۋس قىتاي زەرتحاناسىندا جاسالدى. بۇلاي دەپ اقش كونگرەسىنىڭ بايانداماسىندا جازىلعان, دەپ جازدى qandastar.kz
اقش كونگرەسسمەندەرى ەكى جىلدىق تەرگەۋ قورىتىندىسى بويىنشا كوروناۆيرۋس قىتايدىڭ ۋحان قالاسىنداعى زەرتحانادان پايدا بولىپ, ودان تىس تارالىپ كەتۋى ىقتيمال دەپ ەسەپتەپ وتىر. ولار ۆيرۋستىڭ تابيعاتتا انىقتالماعان بيولوگيالىق سيپاتتامالارعا يە ەكەنىن العا تارتادى.
atamekenbusiness_qaz جازعانداي, ۋحان ۆيرۋسولوگيا ينستيتۋتىنىڭ زەرتتەۋشىلەرى COVID-19 انىقتالعانعا دەيىن بىرنەشە اي بۇرىن 2019 جىلدىڭ كۇزىندە كوروناۆيرۋسقا ۇقساس ۆيرۋستى جۇقتىرعان.
وسىعان دەيىن قىتاي اقش-تىڭ «كوروناۆيرۋس ۋحانداعى زەرتحانادا پايدا بولدى» دەگەن ايىپتاۋلارىن بىرنەشە رەت جوققا شىعارعان. اسپان استى ەلى دۇنيەجۇزىلىك دەنساۋلىق ساقتاۋ ۇيىمىمەن تىعىز جۇمىس ىستەپ, ۆيرۋستىڭ شىعۋ تەگىن انىقتاۋ ماقساتىندا وسى ۇيىمنىڭ زەرتتەۋ توبىن ەلىنە شاقىرعان بولاتىن.
