Qos azamattyǵy bar Astana turǵyny Qazaqstan men Reseıde 10 jyl boıy zeınetaqy alǵan

Vedomstvonyń habarlaýynsha, Qazaqstan men Reseı Federaııasy memleketteriniń qos azamattyǵy bar qala turǵyny 10 jyl boıy eki memlekettiń aýmaǵynda bir mezgilde zeınetaqy tólemderin alyp otyrǵan.

«1992 jylǵy 13 naýryzdaǵy Táýelsiz Memleketter Dostastyǵyna qatysýshy memleketter azamattarynyń zeınetaqymen qamsyzdandyrý salasyndaǵy quqyqtarynyń kepildikteri týraly Kelisimge sáıkes – qatysýshy memleketter sheginde zeınetker qonys aýdarǵan kezde, eger sol túrdegi zeınetaqy zeınetkerdiń jańa turǵylyqty jeri boıynsha memlekettiń zańnamasynda kózdelse, burynǵy turǵylyqty jeri boıynsha zeınetaqy tóleý toqtatylady», – delingen habarlamada.
Vedomstvo zeınetaqy tólemderin Kelisimge qatysýshy eki memlekette bir mezgilde taǵaıyndaý múmkin emes ekenin habarlady.

Qala prokýratýrasynyń den qoıý aktisi boıynsha sotpen zeınetaqy tólemderin alýshydan 8,9 mln teńge mólsherinde zańsyz alynǵan zeınetaqy tólemderi óndirildi.