جاڭالىقتار
قوشانوۆ حيدجاب داۋىنا بايلانىستى پىكىر ءبىلدىردى
ءماجىلىس توراعاسى ەرلان قوشانوۆ مەكتەپتە حيدجاب كيۋگە بايلانىستى پىكىر ءبىلدىردى, دەپ adyrna.kz ۇلتتىق پورتالى
ءماجىلىس توراعاسىنىڭ ايتۋىنشا, قازاقستان – زايىرلى مەملەكەت.
«شىنىندا دا بۇل ماسەلە بويىنشا, الۋان ءتۇرلى پىكىرلەر ايتىلىپ جاتىر. ونى وزدەرىڭىزدە ءبىلىپ وتىرسىزدار. بىراق ءبىز زايىرلى مەملەكەتپىز. سونىمەن قاتار ءبىزدىڭ كوستيتۋتتسيامىزدا ءدىن بوستاندىعى بار. ءوزىنىڭ ءدىني ءراسىمىن جاسايمىن دەگەن ادامدارعا ەشبىر شەكتەۋ جوق. ءوزىنىڭ ءدىني ءراسىمىن اتقارامىن دەگەن ازاماتتارعا قاي ءدىندى ۇستانسا دا, مەشىت پە, شىركەك مە, جوق الدە باسقا دا ءدىني ورتالىقتارىنا بارىپ, وزدەرىنىڭ ءدىني راسىمدەرىن وتكىزۋگە مۇمكىندىكتەرى بار.
ال مەكتەپكە كەلسەك, وقۋ ورنىن ساياسي نەمەسە ءدىني اعىمداردىڭ ورتاسىنا اينالدىرماۋىمىز كەرەك, ول ءبىلىم ورداسى. مەكتەپتە تەك قانا ءبىلىم بەرۋ كەرەك. سوندىقتان ءبىز بالالار مەن وقىتۋشىلاردى باسقا ماسەلەگە الاڭداتپاۋىمىز كەرەك جانە مينيسترلىكتىڭ مەكتەپتە قانداي فورما كيۋ كەرەك ەكەنى تۋرالى ستاندارتتارى بار. سول ستاندارتتاردى ۇستانۋ كەرەك. بالالار وزدەرى كامىلەتتىك جاسقا جەتكەننەن كەيىن قانداي جولمەن جۇرەتىنىن ءوزى تاڭدايدى”, – دەدى سپيكەر.
