Kóshede «qarýmen» júrgen nıkabtaǵy qyzdar aqtaýlyqtardyń záresin aldy

Foto: Lada.kz

Aqtaýda nıkab kıgen eki qyz oıynshyq avtomattaryn ustap, túnde kóshe aralap júrgen. Bul týraly Stan.kz aqparat agenttigi Lada.kz saıtyna silteme jasap habarlaıdy.

Aqtaý  turǵyny jabyq kıingen qyzdardyń qarý asynyp júrgeninen shoshyp qalǵan. 26 shildede keshke ol kúıeýimen kafeden úıine jaıaý qaıtyp kele jatqan. 5-yqshamaýdannan 4-yqshamaýdanǵa qaraı joldy kesip ótip bara jatqan eken. Sol kezde er adamǵa avtomat kezegen eki qyzdy kóripti.

“Olar máz bolyp, kúlip jatty. Shynymdy aıtsam, men tań qaldym, óıtkeni basynda bul oıynshyq avtomat ekenin bilmedim. Keıin atylǵan daýsyna qarap, oıyn ekenin túsindim”, – deıdi turǵyn.

Ol mundaı ázildiń orynsyz ekenin aıtty.

“Olardyń aram oıy bolmaǵanyn bilemin. Menińshe, eregesip istegen sııaqty. Dese de bul múldem kúlkili emes. Sol kezde men qatty qorqyp kettim», – dedi ol.