«Kóshege shyǵa almadym»: Aqtóbede átkenshekten qulap, kóz jumǵan 9 jasar balanyń anasy oqıǵa týraly aıtty

Aqtóbede Eset batyr turǵyn úı alabynda 9 jastaǵy bala átkenshekten qulap kóz jumdy. Ol basynan aýyr jaraqat alǵan kórinedi. Jedel járdem kelgenshe jan tapsyrǵan, dep habarlaıdy ozgeris.info Astana arnasyna silteme jasap.

Telearnanyń habarlaýynsha, 9 jastaǵy Abat kórshi úıdiń aýlasynda oınap júrip, qulaǵan.Úıdiń beınebaqylaý kamerasyna onyń qulaǵan sáti túsip qalypty. Vıdeoda balalardyń ony artynan qatty ekpinmen terbetip jatqany kórinedi. Jerge qulaǵan sátte basynan aýyr jaraqat alǵan. Jedel járdem kelgenshe kóz jumdy.

«Dıagnozy ashyq bas mıynyń jaraqaty, bas negiziniń ashyq jaraqaty, oń jaq qabyrǵasynyń jabyq synyǵy, gemotorspen ómir súrýge múmkinshiligi joq jaraqat», — dedi oblystyq jedel járdem beketi bas dárigeriniń orynbasary Gúlmarash Balmaǵambetova.

Qaıǵyly jaǵdaı bolǵan sátte Abattyń ákesi basqa balasymen aýrýhanada jatqan. Al anasy ulynyń qaza bolǵanyna áli sene alar emes. Álııa Saǵyndyqova – toǵyz jasar Abat Rýslannyń anasy, múgedekter arbasyna tańylǵan. Ol oqıǵa týraly estigende, úıdiń kireberisinen shyǵa almaǵan, óıtkeni úıdiń pandýsqa shyǵýǵa arnalǵan esigi qulyptaýly.

«Sonshama terbetken ǵoı. Ushqan. Qaıtadan turǵanda qulaǵan ǵoı. Men kórshilerge jalyndym myna jaqtan túse almaı jatyrmyn. Esikterdi ashshy dep. Shyqsam kire almaımyn. Balam bárine kómektesetin edi. Balam shyǵyp ketti ǵoı. «Mama qazir kelem, oınap kelemin»dep, Qolqanatym edi», — deıdi balanyń anasy Álııa Saǵyndyqova.

Abat 4 synypta oqyǵan. Kásibı túrde karatemen aınalysqan. О́te belsendi, sabaqta ozat oqýshy deıdi ustazdary.

«Bala ózi sabaqty jaqsy oqıtyn. Tolyq otbasynyń balasy ǵoı. Úıinde anasy, ákesi, inisi bar. Osyndaı jaǵdaıǵa ushyrap qalyp otyrmyz. Mekteptiń atynan jaqyndaryna qaıǵyryp kóńil aıtamyz», — dedi Qyzyljar orta mektebi dırektorynyń orynbasary Taıbek Abdýllın.

Aıta keteıik, osy oqıǵaǵa qatysty «Qaýipsizdik talaptaryna saı kelmeıtin taýarlardy shyǵarý nemese satý, jumystardy oryndaý ne qyzmetter kórsetý» babymen is qozǵaldy. Qazir tergeý-tekserý júrip jatyr.