Kóshpendiler oıyndaryna Shymkentten 85 jastaǵy qarııa velosıpedpen kele jatyr

foto: vıdeodan skrınshot

Shymkentten shyqqan qarııa Astanada ótip jatqan Kóshpendiler oıyndaryna velosıpedpen jetpek, dep habarlaıdy qandastar.kz Ontustiktv.kz-ke silteme jasap.

Telearnanyń málimetinshe, 85 jastaǵy aqsaqal 1 500 shaqyrymdy velospıedpen eńserip ótip, jerlesterine qoldaý bildirmek nıette. Bul elde bolyp jatqan eleýli sharaǵa úles qosý maqsatynda jasalǵan qadam jáne árkimniń azamattyq boryshy deıdi. Osy oraıda Astana tórinde ótip jatqan dúbirli dodany nasıhattap, eldiń atyn shyǵarýǵa nıette.

Jastaıynan velosıped aıdap, talaı saıysta top jarǵan Keńesbek Seıdimbekuly úshin bul sapar da qıynǵa soqpaıtyny belgili. Jolaýshyny Shymkentten jerlesteri, shákirtteri men ul-qyzdary shyǵaryp saldy.

Batagóı qarııa beıbit kúnde dúbirletip at shaptyryp, toı toılap júrgenimiz ata-babanyń armany edi deıdi.