كوشپەندىلەر ويىندارىنىڭ باستالۋىنا از قالدى

فوتو: قر ۇلتتىق سپورت تۇرلەرى قاۋىمداستىعى

تۇركى الەمى ءۇشىن وليمپياداعا پارا-پار جارىسقا 89 ەلدەن 2000-نان استام سپورتشى قاتىسادى. ولار سپورتتىڭ اسىق اتۋ, كوكپار, بايگە, تەڭگە ءىلۋ, ماس-رەستلينگ, قازاق كۇرەسى, ارقان تارتىس, اۋدارىسپاق, ءداستۇرلى ساداق اتۋ, كوك ءبورى, جامبى اتۋ جانە وۆاري سىندى 21 تۇرىنەن مىقتىنى انىقتايدى.

ءدۇبىرلى دودا 8-13 قىركۇيەك كۇندەرى استانا قالاسىندا وتەدى. تۇركى الەمى كوز تىككەن كوشپەندىلەر ويىنى كەزىندە ەلورداعا جالپى 100 مىڭنان استام تۋريست كەلەدى دەگەن جوسپار بار.

جارىستار قاي جەردە وتەدى?

«قازانات» يپپودرومى;

جاقسىلىق ۇشكەمپىروۆ اتىنداعى جەكپە-جەك سارايى;

«الاۋ» مۇز سارايى;

بيلەت قۇنى 500 تەڭگەدەن 15 مىڭ تەڭگەگە دەيىن بارادى.

كوشپەندىلەر ويىندارى كەزىندە ارنايى اۆتوبۋستار قاتىنايدى. ساعات 08:00-دەن 20:00-گە دەيىن«استانا ارەنا», «باس مەشىت» جانە «ەحرو» تۇراق ايماعىنان اۆتوبۋستار جولارۋشىلاردى تاسيدى. №18, 37, 303, 323 اۆتوبۋستار ۋاقىتشا سپورتتىق سايىستار وتەتىن الاڭدار ارقىلى جۇرەدى.