Qospaevtyń qylmystyq toby 2,2 mlrd teńgeniń múlkin sheteldikterge satpaq bolǵan

Foto: ashyq derekkóz

QMA sot úkimi boıynsha tárkilenýge jatatyn tyıym salynǵan múlikti zańsyz satý faktisin anyqtady, dep jazdy qandastar.kz

Qarjylyq monıtorıng agenttigi taıaýda «AV-Construction» JShS, «Shyny zaýyty» JShS, «Shalqar 17» JShS, «Bahar-A» JShS jáne basqa da kásiporyndardy reıderlik basyp alý faktileri boıynsha Qospaevtyń uıymdasqan qylmystyq tobyna qatysty tergeýdi aıaqtaǵan bolatyn.

Sot «Nikolsky Investment» JShS-na tıesili Almaty qalasyndaǵy «Nıkolskıı» bazarynyń aýmaǵynda ornalasqan jer ýchaskesi men múlikke tyıym salǵan. Olardyń quryltaıshysy Aıdos Qospaev.

Alaıda qyrkúıek aıynda «Azamattarǵa arnalǵan úkimet» KEAQ bazasyna jalǵan aqparat engizý arqyly shekteýler alynyp tastalǵan. 5 qazanda quny 2,2 mlrd teńge bolatyn múlik pen jer ýchaskesi sheteldik ınvestorlarǵa satý úshin bógde tulǵalarǵa qaıta resimdelgen.

Osyǵan qatysy bar buryn sottalǵan úsh adam ustalyp, qamaldy. Sondaı-aq olarǵa jalǵan qujat jasap, múlikti ıelikten shyǵarýǵa kómektesken sybaılasy da anyqtaldy.