قوستاناي وبلىسىندا بەلگىسىز ەر ادام ايەلدى باۋىزداپ ولتىرگەن

قوستاناي وبلىسىندا بەلگىسىز ەر ادام ايەلدى باۋىزداپ ولتىرگەن. قايعىلى وقيعا 20 شىلدە كۇنى اۋليەكول اۋدانى قۇسمۇرىن اۋىلىندا بولعان, دەپ حابارلايدى Skifnews.kz اقپارات پورتالى.

Stan.kz جازۋىنشا, كارل ماركس كوشەسىندەگى جەكە ۇيلەردىڭ ءبىرىنىڭ اۋلاسىندا موينى كەسىلگەن جارالى ايەل تابىلدى. وقيعا ورنىنا كەلگەن جەدەل جاردەم قىزمەتى ايەلدىڭ كوز جۇمعانىن انىقتادى.

مارقۇمنىڭ جانىندا كۇيەۋى بولعان. ول جەدەل جاردەم قىزمەتكەرلەرىنە 40 مينۋت بۇرىن ايەلىنىڭ ايعايىن ەستىپ, سىرتقا شىققانىن, ونى وسى كۇيدە تاپقانىن ايتىپتى. مارقۇمنىڭ كۇيەۋى كۇدىكتىمەن توبەلەسۋ كەزىندە باسىنىڭ ارتىنا جانە بەتىنە پىشاق جاراقاتىن العان.

«قۇسمۇرىن اۋىلىندا ايەلدى ءولتىردى دەگەن كۇدىكپەن پوليتسەيلەر 29 جاستاعى ەر ادامدى ۇستادى, كۇدىكتى ۋاقىتشا ۇستاۋ يزولياتورىنا قامالدى», – دەلىنگەن قوستاناي وبلىسى پوليتسيا دەپارتامەنتىنىڭ حابارلاماسىندا.