Bilim
Qostanaı oblysynda qaza tapqan muǵalimder týraly derek shyqty
Buǵan deıin jantúrshigerlik apattan 3 adamnyń jan tapsyrǵany belgili bolǵan.
Qostanaı oblysynda kólik apatynan kóz jumǵan muǵalimder týǵan-týystaryn kórýge asyqqan, dep habarlaıdy qandastar.kz
16 jeltoqsanda Qostanaı – Áýlıekól – Surǵan tasjolynda jantúrshigerlik jol apatynan úsh adam qaza tapqan edi, onyń ekeýi pedagog bolyp shyqty.
«Muǵalimder meıram kúni aǵaıyn-týǵanymen kórisýge jol tartqan», – dedi Qostanaı oblysy bilim basqarmasynan.
Eske salaıyq, Qarasý aýdany Geren aýylynan 10 shaqyrym jerde Volvo men Toyota Alphard kólikteri soqtyǵysqan. Apattan úsh jolaýshy qaza taýyp, taǵy úsheýi Áýlıekól aýdandyq aýrýhanasyna jatqyzyldy.
Qostanaı oblysy bilim basqarmasynyń baspasóz qyzmeti JKO-da muǵalimderdiń qaza tapqanyn rastady.
«16 jeltoqsanda Qostanaı oblysynyń aýmaǵynda jol apatynan eki pedagog qaza tapqanyn qaıǵyra habarlaımyz. Qostanaı aýdany Zarechnyı mektep-lıeıiniń orys tili men ádebıeti pániniń muǵalimi, sondaı-aq Altynsarın aýdany Úlken-Chýrakov jalpy bilim beretin mektebiniń pedagog-psıhology Qostanaı – Áýlıekól – Surǵan tasjolynda apattan qaza tapty. Týystary men jaqyndaryna kóńil aıtamyz», – dedi oblystyq basqarmadan.
