جاڭالىقتار
قوستاناي وبلىسىندا سۋبسيدياعا بولىنگەن 96 ملن تەڭگە ۇرلانعان
قوستاناي وبلىسىندا مال ازىعىن ارزانداتۋعا جانە سەلەكتسيالىق جۇمىستارعا بولىنگەن مەملەكەتتىك سۋبسيديالاردى جىمقىرۋ دەرەگى انىقتالدى. زالال كولەمى 96 ميلليون تەڭگەنى قۇرادى, دەپ حابارلايدى Qandastar.kz
وبلىستىق پروكۋراتۋرا جۇرگىزگەن تەكسەرىس ناتيجەسىندە مەملەكەتتىك قارجىنىڭ ماقساتسىز جۇمسالعانى بەلگىلى بولدى.
اتالعان دەرەك بويىنشا قر قىلمىستىق كودەكسىنىڭ 190-بابى 4-بولىگى 2-تارماعى («اسا ءىرى كولەمدەگى الاياقتىق») بويىنشا سوتقا دەيىنگى تەرگەۋ باستالدى.
تەرگەۋ بارىسىندا ءۇش ادامنىڭ كىناسى دالەلدەنىپ, ءىس سوتقا جولداندى. ايىپتالۋشىلار ءوز كىناسىن تولىق مويىنداعاندىقتان, قىلمىستىق ءىس قىسقارتىلعان تارتىپپەن قارالدى.
سوت ۇكىمىمەن ولار ءارتۇرلى مەرزىمگە باس بوستاندىعىنان ايىرىلىپ, سوت زالىندا قاماۋعا الىندى. سونىمەن قاتار مەملەكەت پايداسىنا كەلتىرىلگەن 96 ميلليون تەڭگەدەن استام شىعىن وندىرىلۋگە شەشىم شىعارىلدى.
