Qostanaı oblysynda sýbsıdııaǵa bólingen 96 mln teńge urlanǵan

Qostanaı oblysynda mal azyǵyn arzandatýǵa jáne selekııalyq jumystarǵa bólingen memlekettik sýbsıdııalardy jymqyrý deregi anyqtaldy. Zalal kólemi 96 mıllıon teńgeni qurady, dep habarlaıdy Qandastar.kz

Oblystyq prokýratýra júrgizgen tekseris nátıjesinde memlekettik qarjynyń maqsatsyz jumsalǵany belgili boldy.

Atalǵan derek boıynsha QR Qylmystyq kodeksiniń 190-baby 4-bóligi 2-tarmaǵy («Asa iri kólemdegi alaıaqtyq») boıynsha sotqa deıingi tergeý bastaldy.

Tergeý barysynda úsh adamnyń kinási dáleldenip, is sotqa joldandy. Aıyptalýshylar óz kinásin tolyq moıyndaǵandyqtan, qylmystyq is qysqartylǵan tártippen qaraldy.

Sot úkimimen olar ártúrli merzimge bas bostandyǵynan aıyrylyp, sot zalynda qamaýǵa alyndy. Sonymen qatar memleket paıdasyna keltirilgen 96 mıllıon teńgeden astam shyǵyn óndirilýge sheshim shyǵaryldy.