قوستاناي وبلىسىنىڭ بۇرىنعى باسشىسى قايتىس بولدى

فوتو: Instagram @qumaraqsaqalov

بەلگىلى مەملەكەت قايراتكەرى كەنجەبەك ۋكين 85 جاسىندا قايتىس بولدى. 90-جىلداردىڭ باسىندا ول قوستاناي وبلىستىق اكىمشىلىگىنىڭ باسشىسى بولدى. شەنەۋنىكتىڭ قايتىس بولعانى تۋرالى قوستاناي وبلىسىنىڭ اكىمى قۇمار اقساقالوۆ جازدى, – دەپ حابارلايدى Massaget.kz تىلشىسى.

اكىم كەنجەبەك ۋكيننىڭ تۋعاندارى مەن جاقىندارىنا كوڭىل ايتتى.

«كەنجەبەك ۋكيننىڭ ۋكيننىڭ ومىردەن وزعانى تۋرالى سۋىق حاباردى زور كۇيزەلىسپەن قابىلدادىق. ول ەلدىڭ دامۋىنا ۇلكەن ۇلەس قوسقان ابىرويلى مەملەكەت جانە قوعام قايراتكەرى بولدى. كەنجەبەك ۋكينوۆيچ ەڭبەك جولىن مۇعالىمدىكتەن باستاپ, وبلىس اكىمشىلىگىنىڭ باسشىسىنا دەيىنگى ۇزاق جولدى ءجۇرىپ ءوتتى. ول اسىرەسە قازاقستاننىڭ تاۋەلسىزدىگىن قالىپتاستىرۋ جىلدارىنداعى قيىن كەزەڭدەردە ەرەن ەڭبەگىمەن تانىلدى.

مارقۇمنىڭ وتباسى مەن جاقىندارىنىڭ قايعىسىنا ورتاقتاسىپ, كوڭىل ايتامىز. ونىڭ ەڭبەگى مەن پاراساتى بولاشاق ۇرپاققا ءاردايىم ۇلگى بولىپ قالادى. جاتقان جەرى جايلى, توپىراعى تورقا بولسىن», – دەپ جازدى قۇمار اقساقالوۆ ينستاگرام-پاراقشاسىندا.

كەنجەبەك ۋكين – 1940 جىلى شىعىس قازاقستان وبلىسى كۇرشىم اۋدانى قويتاس اۋىلىندا دۇنيەگە كەلگەن. كەڭەستىك جانە قازاقستاندىق پارتيا قىزمەتكەرى, مەملەكەتتىك قىزمەت ارداگەرى, قوعام قايراتكەرى. قوستاناي وبلىسىنىڭ قۇرمەتتى ازاماتى.

90-جىلداردىڭ باسىندا قازاقستان كومپارتياسى تورعاي وبلىستىق كوميتەتىنىڭ ءبىرىنشى حاتشىسى جانە حالىق دەپۋتاتتارى تورعاي وبلىستىق كەڭەسىنىڭ توراعاسى قىزمەتتەرىن اتقاردى. 1992-1993 جىلدارى قوستاناي وبلىستىق اكىمشىلىگىنىڭ باسشىسى بولدى.