Qostanaı oblysynyń burynǵy basshysy qaıtys boldy

Foto: Instagram @qumaraqsaqalov

Belgili memleket qaıratkeri Kenjebek Ýkın 85 jasynda qaıtys boldy. 90-jyldardyń basynda ol Qostanaı oblystyq ákimshiliginiń basshysy boldy. Sheneýniktiń qaıtys bolǵany týraly Qostanaı oblysynyń ákimi Qumar Aqsaqalov jazdy, – dep habarlaıdy Massaget.kz tilshisi.

Ákim Kenjebek Ýkınniń týǵandary men jaqyndaryna kóńil aıtty.

«Kenjebek Ýkınniń Ýkınniń ómirden ozǵany týraly sýyq habardy zor kúızelispen qabyldadyq. Ol eldiń damýyna úlken úles qosqan abyroıly memleket jáne qoǵam qaıratkeri boldy. Kenjebek Ýkınovıch eńbek jolyn muǵalimdikten bastap, oblys ákimshiliginiń basshysyna deıingi uzaq joldy júrip ótti. Ol ásirese Qazaqstannyń táýelsizdigin qalyptastyrý jyldaryndaǵy qıyn kezeńderde eren eńbegimen tanyldy.

Marqumnyń otbasy men jaqyndarynyń qaıǵysyna ortaqtasyp, kóńil aıtamyz. Onyń eńbegi men parasaty bolashaq urpaqqa árdaıym úlgi bolyp qalady. Jatqan jeri jaıly, topyraǵy torqa bolsyn», – dep jazdy Qumar Aqsaqalov ınstagram-paraqshasynda.

Kenjebek Ýkın – 1940 jyly Shyǵys Qazaqstan oblysy Kúrshim aýdany Qoıtas aýylynda dúnıege kelgen. Keńestik jáne qazaqstandyq partııa qyzmetkeri, memlekettik qyzmet ardageri, qoǵam qaıratkeri. Qostanaı oblysynyń Qurmetti azamaty.

90-jyldardyń basynda Qazaqstan Kompartııasy Torǵaı oblystyq komıtetiniń birinshi hatshysy jáne halyq depýtattary Torǵaı oblystyq keńesiniń tóraǵasy qyzmetterin atqardy. 1992-1993 jyldary Qostanaı oblystyq ákimshiliginiń basshysy boldy.