جاڭالىقتار
قوستانايدا 12-13 جاستاعى ۇلدار 5 جاسار قىزدى زورلاعان
فوتو: اشىق دەرەككوز
قوستانايدا بەس جاسار قىزدىڭ توپتىق سەكسۋالدىق زورلىق-زومبىلىققا ۇشىراعانى تۋرالى جاعا ۇستاتارلىق وقيعا بولدى, دەپ حابارلايدى Ulysmedia.kz
بۇل تۋرالى قىزدىڭ اناسى #نەمولچيKZ ۇيىمىنا مالىمدەگەن.
وقيعا 6 شىلدە كۇنى بولعان. اناسى قىزىنا ۆەلوسيپەد ساتىپ الىپ, توسىنسىي جاسايدى. كورشىسى ەكەۋى ۆەلوسيپەدتى جيناپ جاتقاندا, تانىس كورشىنىڭ بالاسى قىزدى ءۇيدىڭ ارتىنا الىپ كەتەدى. اناسى قىزىنىڭ سىرتقا شىعىپ كەتكەنىن بايقاپ, ىزدەي باستايدى. كەيىننەن ءۇستى-باسى كىر-كىر, شاشى دودا-دودا, ويىنشىق سالىنعان قابىن سۇيرەتىپ كەلە جاتقان قىزىن كورەدى. قاتتى قورقىپ كەتكەن اناسى نە بولعانىن تۇسىنبەي, قىزىنا ۇرىسىپ تاستايدى. الايدا بۇل ارەكەتى ءۇشىن كەيىننەن ول قاتتى وكىنگەن.
قىز تۇيىقتالىپ, بىردەن بولعان وقيعا تۋرالى ايتپاعان. بارلىق شىندىق 20 شىلدە كۇنى انىقتالدى. قىز اتاسىنا باسىنان وتكەن جاعدايدى تۇگەل ايتىپ بەرەدى. وسىدان كەيىن پوليتسياعا ارىز بەرىلدى. بەلگىلى بولعانداي, قىزدى الىس جەرگە اپارىپ, زورلىق-زومبىلىق ارەكەتتەرىن جاساعان. قارسىلاسقان جانە ايقايلاعان بالاعا ەكى بالا كۇش قولدانىپ, تاسپەن سامايىنان ۇرعان. وسىلايشا قىز جانتۇرشىگەرلىك ارەكەتتەردىڭ قۇربانى بولدى, – دەلىنگەن حابارلامادا.
اگرەسسورلاردىڭ اتا-انالارى, ياعني جاسى 8, 12 جانە 13-تەگى ۇلداردىڭ اتا-انالارى, جاعدايدىڭ قانشالىقتى اۋىر ەكەنىن تۇسىنەدى. پوليتسەيلەر بىرقاتار ساراپتامالار تاعايىنداپ, جاۋاپ الدى. بالالار كىناسىن مويىنداپ, تەرگەۋگە مەملەكەتتىك ادۆوكات پەن مەكتەپ پسيحولوگى تارتىلدى.
