جاڭالىقتار
قوستانايدا 13 جاسار قىزدى زورلادى دەگەن كۇدىكپەن ەكس-دەپۋتات قامالدى
فوتو: اشىق دەرەككوز
قوستاناي وبلىسىندا كامەلەت جاسىنا تولماعان قىزدى زورلاعان ەر ادام ۇستالدى, دەپ حابارلايدى qandastar.kz اقپارات پورتالى.
وگەي قىزىن ليساكوۆ قالاسىنىڭ تۇرعىنى ءارى تانىمال كاسىپكەر زورلادى دەگەن بولجام بار.
نەمولچي قورىنىڭ مالىمەتىنشە, كۇدىكتى قالالىق ءماسليحاتتىڭ بۇرىنعى دەپۋتاتى بولۋى مۇمكىن.
قوستاناي وبلىسى پوليتسيا دەپارتامەنتىنىڭ حابارلاۋىنشا, كۇدىكتى ۇستالدى.
«16 جاسقا تولماعان ادامعا قاتىستى جىنىستىق سيپاتتاعى ارەكەتتەر جاساۋ فاكتىسى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. قازىرگى ۋاقىتتا قاجەتتى تەرگەۋ امالدارى جۇرگىزىلىپ وتىر. كۇدىكتى قاماۋعا الىنىپ, سوت قاماۋعا الۋ تۇرىندەگى بۇلتارتپاۋ شاراسىنا سانكتسيا بەردى», – دەلىنگەن حابارلامادا.
ولار ۇستالعاننىڭ «جەكە ۇيىمنىڭ قىزمەتكەرى» ەكەنىن ايتتى. تەرگەۋ مۇددەسى ءۇشىن باسقا مالىمەتتەر جاريالانبايدى.
