قوستانايدا ءورت شىقتى

فوتو:  الەۋمەتتىك جەلىدەن

بۇل پوليگون بۇعان دەيىن دە ورتەنىپ, يەسى جاۋاپقا تارتىلعان. ەندى وقيعا ەكىنشى رەت قاتالانىپ وتىر, دەپ حابارلايدى Qandastar.kz اقپارات پورتالى.

قوستاناي اكىمدىگى ەكىنشى رەت قاتتى تۇرمىستىق قالدىقتار پوليگونىندا 7 ماۋسىمدا ءورت شىققانىن راستادى. قوقىس 200 شارشى مەتر اۋماقتى شارپىعان. ءورت تەز ارادا اۋىزدىقتالدى, زارداپ شەككەندەر جوق.

مۇنداي وقيعا كەيىنگى ۋاقىتتا وسىمەن ەكىنشى رەت بولىپ وتىر. 22 ساۋىردە سول پوليگوندا 6 گەكتار اۋماقتا قوقىس ورتەندى. ودان كەيىن مينەرالدانعان جولاق بولماعاندىقتان ءورت كورشى دالاعا ءوتىپ, تاعى 300 شارشى مەتر اۋماقتى شارپىعان. قايتالانعان ءورت وقيعاسىنا بايلانىستى توتەنشە جاعدايلار دەپارتامەنتى مەن ەكولوگيا دەپارتامەنتى «تازالىق-2012″ جاۋاپكەرشىلىگى شەكتەۋلى سەرىكتەستىگىن قر اقبتك-ءنىڭ 410-بابىنىڭ 1-بولىگى جانە 327-1-بابىنىڭ 1-بولىگى بويىنشا اكىمشىلىك جاۋاپكەرشىلىككە تارتتى, — دەپ حابارلادى قوستاناي اكىمدىگىنىڭ ءباسپاسوز قىزمەتى.

قازىر پوليگوندا تاۋلىك بويى كەزەكشىلىك ۇيىمداستىرىلعان. توتەنشە جاعدايلار دەپارتامەنتىنەن 2 تەحنيكا مەن 8 ادام جۇمىلدىرىلدى. سونداي-اق تازالىق-2012» جشس-ءنىڭ 4 قىزمەتكەرى مەن 4 تەحنيكا جانە 52859 اسكەري بولىمىنەن 4 اسكەري قىزمەتكەر كومەككە كەلدى.