Qostanaıda órtten qaza tapqan 5 balanyń anasy sottaldy

Foto: ashyq derekkóz

Jitiqarada órtten qaza tapqan 5 balanyń anasy sottaldy, dep jazdy qandastar.kz

Qostanaı oblysynyń turǵyny 5 jylǵa bas bostandyǵynan aıyryldy. Áıel órt qaýipsizdigi talaptaryn buzǵany úshin kináli dep tanyldy. 

Is materıalynan belgili bolǵandaı, qaıǵyly oqıǵa kúni sottalýshy balalaryn qaraýsyz qaldyryp ketken jáne úlken ulyna pesh jaǵýdy tapsyrǵan. Balasy aǵash, kómir jáne turmystyq qoqystardy jaqqan, budan bólek peshtiń janyndaǵy belgisiz suıyqtyq quıylǵan plastık bótelkeni otqa tastap jibergen. Saldarynan úıdi jalyn sharpyp, bes bala kóz jumǵan.

Áıel kinásin tolyq moıyndap, istegen isine ókinetinin aıtqan jáne ony bas bostandyǵynan aıyrmaýdy ótingen. 

Kámeletke tolmaǵan balasynyń bolýyna baılanysty jazany oryndaý keıinge qaldyryldy.

Úkim zańdy kúshine engen joq.