جاڭالىقتار
قوستانايدا پاتەردەن جىگىتتىڭ ءمايىتى مەن اۋىر جارالانعان بالا تابىلدى
قوستانايدا ەر ادامنىڭ ءمايىتى مەن جاراقات العان بالا تابىلدى. الدىن الا مالىمەت بويىنشا قاسكۇنەم ءوز-وزىنە قول جۇمساعان, دەپ حابارلادى Qandastar.kz
پوليتسەيلەر كامەلەتكە تولماعان بالانىڭ دەنساۋلىعىنا اۋىر زيان كەلتىرۋ جانە ءمايىتتىڭ تابىلۋى فاكتىلەرى بويىنشا ەكى سوتقا دەيىنگى تەرگەۋدى باستادى. قازىرگى ۋاقىتتا بارلىق قاجەتتى تەرگەۋ امالدارى جۇرگىزىلىپ جاتىر.
«قازاقستان رەسپۋبليكاسى زاڭناماسىنىڭ تالاپتارىن ەسكەرە وتىرىپ, تەرگەۋ بارىسىنا قاتىستى جاعدايدىڭ بارلىعى قۇپيا بولادى», — دەپ حابارلادى قوستاناي وبلىسىنىڭ پوليتسيا دەپارتامەنتىنىڭ ءباسپاسوز قىزمەتى.
الەۋمەتتىك جەلىدە وقيعانىڭ تولستوي كوشەسىندەگى ۇيدە بولعانى تۋرالى اقپارات تاراپ جاتىر. كۋاگەرلەردىڭ ايتۋىنشا, بەلگىسىز بىرەۋ پاتەرگە باسا-كوكتەپ كىرىپ, بالانى اۋىر جارالاپ, كەيىن ءوز-وزىنە قول جۇمساعان.
