قوستانايدا پوشتا قىزمەتكەرى زەينەتكەرلەردى الداپ, ولاردىڭ اتىنا نەسيە راسىمدەگەن

فوتو: اشىق دەرەككوز

قوستاناي وبلىسىندا پوشتا قىزمەتكەرى زەينەتكەرلەردى الداپ, ولاردىڭ اتىنا بىرنەشە نەسيە راسىمدەپ تاستاعان. بۇل تۋرالى qandastar.kz جازدى.

وبلىستىق پوليتسيا دەپارتامەنتىنىڭ مالىمەتىنشە كۇدىكتى زەينەتكەرلەردەن حاتتى العانىن راستاۋ ءۇشىن, سونداي-اق زەينەتاقى جيناقتارىن الۋ ءتارتىبىن جەڭىلدەتۋ دەگەن جەلەۋمەن سۋرەتكە ءتۇسىرىپ العان. كەيىن ءموبيلدى قوسىمشالار ارقىلى ولاردىڭ اتىنا نەسيە مەن زايمدار راسىمدەگەن.

“ونىڭ قىلمىستىق ارەكەتتەرىنىڭ ناتيجەسىندە قوستاناي اۋدانىنىڭ بەس زەينەتكەرى الاياقتىقتىڭ قۇربانى بولدى. ماسەلەن, ەكى زارداپ شەگۋشىنىڭ ارقايسىسىنا 1 ملن تەڭگەدەن نەسيە, ال قالعاندارىنىڭ اتىنان شاعىن نەسيە راسىمدەگەن. جالپى ماتەريالدىق شىعىن 2,3 ملن تەڭگەدەن استى”, – دەلىنگەن حابارلامادا.

الاياقتىقتىڭ بىرنەشە ەپيزودتارى بويىنشا قىلمىستىق ءىس قوزعالدى. پوليتسەيلەر سوتقا دەيىنگى تەرگەۋ جۇرگىزىپ, ءىستى سوتقا جىبەردى.