Qostanaıda jattyqtyrýshy joq adamdardy short-trekten jarysqa aparyp aqsha jymqyrǵan

Foto: ashyq derekkóz

Qostanaıda short-trekten jattyqtyrýshy bıýdjet qarjysyn jymqyrdy dep aıyptaldy. Ol jarystarǵa joq adamdardy alyp barǵan. Al sportshylarǵa arnalǵan qarjyny óz depozıtinde saqtaǵan. Bul týraly qandastar.kzaqparat agenttigi 31-arnanyń «Informbıýro» baǵdarlamasyna silteme jasap habarlaıdy.

Jattyqtyrýshy sportshylardy jarys pen daıyndyqqa aparyp, bul úshin qarjy alyp kelgen. Alaıda keıin sportshylarda eshqaıda aparmaǵany anyqtaldy. Urlanǵan 6 mıllıon teńgeden bólek qarjyny depozıtte saqtap, taǵy 600 myń teńge kóleminde bank syıaqysyn da alyp úlgergen.

Endi jattyqtyrýshyǵa qatysty eki bap boıynsha is qozǵaldy.

«Atalǵan bap boıynsha kúdikti 7 jylǵa deıin sottalýy múmkin. Sonymen qatar belgili qyzmet túrimen 6 jylǵa deıin aınalysýǵa tyıym salynady», – dedi Qostanaı oblysy prokýrorynyń orynbasary Marat Igilikov.