Qostanaıda jedel járdem qyzmetkeri soqqyǵa jyǵyldy

Foto:  Gov.kz

Qostanaı qalasynda jedel járdem qyzmetiniń feldsheri Anel Baımýrzına jumys barysynda naýqastyń týystarynyń shabýylyna ushyrap, aýrýhanaǵa jetkizildi, dep habarlaıdy qandastar.kz  Alau.kz portalyna silteme jasap habarlaıdy.

Anel Baımýrzına túngi aýysymda «Demikpe, júrek» dıagnozymen túsken shaqyrtý boıynsha barǵan. Alaıda, ol barǵan úıde naýqastyń qyzdary qyzmetkerlerge agressııa kórsetken.

«Biz alǵashqy kómek kórsetip jatqanda, olar jumysymyzǵa kedergi jasap, bizdi qarǵap, durys istemesek, túrmege otyrǵyzamyz dep qorqytty. Naýqastyń júregi toqtap qalǵan soń, reanımaııalyq sharalarǵa kiristik. 30 mınýt boıy kúreskenimizben, ony aman alyp qala almadyq. Olarǵa kóńil aıtqanymyzda, kútpegen jerden shabýyl jasaldy», – deıdi Anel Baımýrzına.

Feldsherdiń aıtýynsha, naýqastyń qyzdary ony uryp-soǵyp, shashynan súırep, qatty jaraqattaǵan. Janyndaǵy ekinshi feldsher men júrgizýshi ony qorǵaýǵa tyrysqanymen, ashýly áıelderdi toqtata almaǵan. Tek kórshilerdiń aralasýymen jaǵdaı turaqtalǵan.

Anel Baımýrzınaǵa «mı shaıqalýy», «samaı aımaǵynyń gematomasy» jáne «betiniń jumsaq tinderiniń jaraqaty» degen dıagnoz qoıylyp, aýrýhanaǵa jatqyzyldy.

Qostanaı oblysy polıııa departamentiniń málimetinshe, oqıǵaǵa baılanysty qylmystyq is qozǵalyp, tergeý bastalǵan.

«Alǵashqy medıınalyq kómek kórsetý kezinde úı ıeleri men dárigerler arasynda janjal týyndaǵan. 41 jáne 51 jastaǵy áıelder feldsherge dene jaraqatyn salǵan», – dep habarlady polıııa.

Qazirgi tańda oqıǵa boıynsha sot-medıınalyq saraptama taǵaıyndaldy, tergeý jumystary «uryp-soǵý» baby boıynsha jalǵasýda.