قوستانايداعى توبەلەس: اۋىر سوققىدان ەر ادام قايتىس بولدى

فوتو: ۆيدەودان سكرين اشىق دەرەككوز

اياعى ادام ولىمىمەن اياقتالعان توبەلەس 12 قازان كۇنى ليساكوۆ قالاسىنداعى موناكو كاراوكە كلۋبىندا تاڭعى ساعات 5-تە بولعان, دەپ حابارلايدى Qandastar.kz.

وقيعا جەلىسى الەۋمەتتىك جەلىگە تاراپ كەتتى. قايتىس بولعان ادام 41 جاستا. پوليتسيا دەپارتامەنتى بۇل وقيعانى راستادى.

ليساكوۆتىڭ ادام ولىمىنە اكەپ سوققان ويىن-ساۋىق ورىندارىنىڭ بىرىندە دەنە جاراقاتىن كەلتىرۋ فاكتىسى بويىنشا پوليتسەيلەر سوتقا دەيىنگى تەرگەپ-تەكسەرۋدى باستادى. بارلىق قاجەتتى تەرگەۋ شارالارى جۇرگىزىلۋدە, – دەپ حابارلادى قوستاناي وبلىسى پوليتسيا دەپارتامەنتىنىڭ ءباسپاسوز قىزمەتى.

22 جاستاعى كۇدىكتى ۋاقىتشا ۇستاۋ يزولياتورىنا قامالدى. ليساكوۆ سوتى ونى تۇتقىنداۋعا رۇقسات بەردى.

t.me/prokadrykz كانالى مالىمدەگەندەي, وقيعا 12 قازاندا بولعان.  ەر ادام دەرەۋ اۋرۋحاناعا جەتكىزىلگەن. دارىگەرلەر ەكى كۇن بويى ءومىرىن ساقتاپ قالۋعا تىرىسقانىمەن ەر ادام العان اۋىر جاراقاتتارىنان كەيىن 15 قازان كۇنى قايتىس بولدى.