جاڭالىقتار
جاياۋ جۇرمەيمىن: قوستانايدىڭ اكىمى 23 ميلليون تۇراتىن كولىكتى نەگە تاڭدادى?
فوتو: اشىق دەرەككوز
قوستاناي قالاسى ءماسليحاتىنىڭ كوميسسيا وتىرىسىندا اكىم مارات جۇندىباەۆ جاڭا كولىگىنە قاتىستى پىكىر ءبىلدىردى, دەپ جازادى qandastar.kz.
قازاقستاندا شىعارىلعان جاڭا Kia Sorento تەندەر ارقىلى تاڭدالعان. ونى ساتىپ الۋعا 23 ميلليون تەڭگە جۇمسالادى.
«ءيا, مەن ونى قولدانامىن, ويتكەنى قالادا جاياۋ جۇرە المايمىن. ونىڭ ۇستىنە بۇل ءوزىمىزدىڭ وندىرىستەن شىققان كولىك», – دەپ قىسقا قايىردى جۇندىباەۆ.
اكىم ورىنسىز ساۋال ءۇشىن دەپۋتاتتارعا شاعىمىن دا ايتىپ قالدى. كولىكتى جەكە مۇددەسىنە ەمەس, جۇمىس ءۇشىن پايدالاناتىنىن العا تارتتى.
2022 جىلى وبلىس اكىمى ارحيمەد مۇحامبەتوۆتىڭ وكىمىمەن جۇندىباەۆ مارات قونىسباي ۇلى قوستاناي قالاسىنىڭ اكىمى بولىپ تاعايىندالعان ەدى.
