Qostanaıǵa sapar: Premer-mınıstr ýaqyt beldeýine qatysty ne aıtty?

Foto: ashyq derekkóz

Qostanaı oblysyna jumys sapary barysynda QR Premer-mınıstri Oljas Bektenov zaýyttar men kásiporyndardy aralap, óndiris basshylyǵy jáne ujymdarymen kezdesýler ótkizdi. О́ńirdiń áleýmettik-ekonomıkalyq damý perspektıvalary, kadrlyq áleýetti arttyrý, ınfraqurylymdyq mindetterdi sheshý barysy talqylandy, dep jazdy qandastar.kz

Sondaı-aq biryńǵaı ýaqyt beldeýine kóshý máselesine de nazar aýdaryldy. Sóz sóıleýshilerdiń aıtýynsha, biryńǵaı ýaqyt beldeýin engizý máselesin Qostanaı oblysynyń turǵyndary buryn da kótergen, óıtkeni 6-shy ýaqyt beldeýi tabıǵı ýaqytqa sáıkes kelmedi. Osylaısha, biryńǵaı ýaqyt beldeýine kóshý týraly sheshim kúndelikti turmystyq proesterdi jeńildetti. Osyǵan baılanysty kezdesýge qatysýshylar biryńǵaı ýaqyt beldeýin qoldap sóz sóıledi. Premer-mınıstr Oljas Bektenov turǵyndarmen áńgimelesý barysynda tabıǵı ýaqyttyń azamattardyń densaýlyǵy men ál-aýqatyna oń áseri ǵylymı dáleldengenine nazar aýdardy. 2017 jyly amerıkalyq ǵalymdar toby adamnyń ırkadtyq yrǵaǵyn zerttegeni úshin Nobel syılyǵymen marapattaldy, bul tabıǵı ýaqytqa sáıkes ómir súrýdiń eń paıdaly ekenin rastady. Osy jumystyń jáne basqa da ǵylymı zertteýlerdiń negizinde 2022 jyly 80-nen astam eldiń ǵalymdary men memleket qaıratkerleri qol qoıǵan Barselona deklaraııasy qabyldandy.

Premer-mınıstr Qostanaı oblysynyń turǵyndaryna jáne barlyq qazaqstandyqtarǵa osy mańyzdy sheshimdi túsinip, qoldaǵany úshin alǵysyn bildirdi.

«Sheshim Qazaqstanda ǵana emes, shetelde de júrgizilgen óte tereń ǵylymı zertteýler negizinde qabyldandy. 2017 jyly amerıkalyq ǵalymdar toby adamnyń ırkadtyq yrǵaǵyn zerttegeni úshin Nobel syılyǵymen marapattaldy. Bul zertteýde ǵalymdar tabıǵı ýaqytta ómir súrgen kezde adam úshin eń jaqsy jáne paıdaly ekenin dáleldedi. Sondyqtan qazir álemniń progressıvti elderi tabıǵı ýaqyt beldeýine kóshýge umtylýda. Qazaqstan úshin tabıǵı ýaqyt beldeýi – biz qazir ómir súrip jatqan UTC+5 bolyp tabylady. Buryn ózderińiz biletindeı, biz basqa UTC+6 beldeýinde boldyq. Kezinde elimiz dırektıvalyq tártipte biz úshin tabıǵı emes beldeýge aýystyryldy. Qazir, kerisinshe, biz ýaqytty kún ıkline sáıkes keltirdik. Men biryńǵaı ýaqyt beldeýine aýysý keıbir adamdarǵa yńǵaısyzdyq týdyrýy múmkin ekenin túsinemin. Aǵza birtindep úırenedi. Osyndaı sheshim qabyldandy. Eger óńirlerde qandaı da bir qolaısyzdyqtar bolsa, bizdiń eńbek zańnamamyz múmkindik beretin ınfraqurylymdy, jaryqtandyrýdy, yńǵaıly kesteni uıymdastyrý arqyly jumys isteý qajet. Osy máselelerdiń barlyǵyn ári qaraı sheshetin bolamyz», — dep atap ótti Premer-mınıstr.

Sondaı-aq zaýyt ujymymen kezdesý barysynda Memleket basshysy jarııalaǵan aldaǵy Jumysshy mamandyqtary jyly qarsańynda eńbek jaǵdaılary jáne ózge de qoldaý sharalary máseleleri kóterildi.