جاڭالىقتار
قوستانايلىق الاياقتىقپەن 130 ملن تەڭگە يەمدەنگەن
فوتو: اشىق دەرەككوز
قوستاناي تۇرعىنى 2019 جىلدىڭ جەلتوقسانىنان 2021 جىلدىڭ شىلدەسىنە دەيىن سالىمشىلاردى جاپپاي تارتىپ, WhatsApp مەسسەندجەرى ارقىلى ويدان شىعارىلعان ينۆەستيتسيالىق باعدارلامالار تۋرالى جالعان اقپارات تاراتقان, دەپ حابارلايدى qandastar.kz
حالىققا «Finiko» جوباسىنىڭ قىزمەتى تۋرالى جالعان مالىمەت بەرىپ, سالىمشىلاردى اقشا سالۋعا ۇگىتتەگەن.
ول سالىمشىلاردان العان اقشانىڭ ءبىر بولىگىن ءىزىن جاسىرۋ ءۇشىن «بيتكوينميكسەر» پروتسەدۋراسىنا سالىپ, قالعان بولىگىن سالىمشىلاردىڭ ديۆيدەندتەرىن تولەۋگە جۇمساعان. وسىلايشا ول جاڭا سالىمشىلاردى تارتىپ وتىرعان.
ناتيجەسىندە 36 ازاماتتىڭ 126 ميلليون تەڭگەدەن استام قاراجاتىن يەمدەنگەن.
ال سوتتا ءوزىنىڭ كىناسىن مويىنداماعان.
سوت ۇكىمىمەن ول 7 جىلعا باس بوستاندىعىنان ايىرىلدى. دۇنيە-مۇلكى تاركىلەندى. سونداي-اق 7 جىلعا قارجىلىق كوممەرتسيالىق جانە كوممەرتسيالىق ەمەس ۇيىمداردا باسشىلىق قىزمەتتەر اتقارۋ قۇقىعىنان ايىرىلدى.
