كوۋچ اينۇر تۇرسىنباەۆا اجىراسىپ جاتقاندارعا اقىل ايتتى

فوتو: اشىق دەرەككوز

كەشەلى بەرى قوس بلوگەر نۇرسۇلتان جاقسىگەن مەن فاريزا الماسقىزى الەۋمەتتىك جەلىدەگى پاراقشالارىندا ءبىرىن-ءبىرى ايىپتاپ جاتىر. ارالارىندا ەكى بالا بولسا دا بۇرىنعى جۇبايلار بەت كورىسپەستەي بولىپ كەتكەن, – دەپ حابارلايدى qandastar.kz politico.kz-كە سىلتەمە جاساپ.

فاريزا اتا-ەنەسىنىڭ تۇرتپەگىنە شىداماعانىن ايتسا, نۇرسۇلتان كەلىنشەگىنىڭ كەلىن بولىپ يىلمەگەنىن ايتادى. وسى ورايدا ايتىسكەر اقىن, كوۋچ اينۇر تۇرسىنباەۆا جاستارعا اقىلىن ايتتى.

«شىنداپ كەلگەندە ەكەۋىڭ دە ەل قىزىعاتىن جانۇيا ەدىڭدەر, ەكەۋىڭە شايتان اعۋزۋبيللياح بىلگەنىن ىستەتىپ جاتىر. اقىل ايتىپ وتىرعان جۇرتتىڭ دىمى كەتپەيدى, بالا شاعامىز امان, بايىمىز قاسىمىزدا… قينالىپ جۇرگەن ەكەۋىڭ, وسى ەكەۋىڭنىڭ جۇرەكتەرىڭە تۇسكەن سالماق ەرتەڭ 2 بالاعا تۇسەدى! نۇرسۇلتان ۇياتسىز, فاريزا تاربيەسىز , اكە شەشەسى جامان دەپ ايتىپ جاتقانداپ وتقا ماي قۇيىپ راحاتتانىپ وتىر. شىندىعىندا سەن فاريزادان ارتىق قاتىن تاپپايسىڭ, فاريزا سەنەن ارتىق كۇيەۋ تاپپايدى! مىناداي ءتاتتى بالاپانداردىڭ قىلىعىن مىڭ قاتىن تاۋىپ بەرمەيدى ساعان! شايتانعا اسكەر بولىپ, اللانى اشۋلاندىرماي بارىپ ءيىل! ايەلدىڭ ءتىلىن تابۋ وڭاي! ءبىر التىن تاعىپ, ءبىر گۇل اپارساڭ جايناپ شىعا كەلەدى! ەرەگىسىپ ەلگە كۇلكى بولماڭدار! ينستاگرام قوقىس الاڭى! بۇل جەردە دوسىڭنان دۇشپانىڭ كوپ! وتباسىنىڭ ابىرويىن وسى جەرگە اكەپ توگىپ جاتىرسىڭدار. قاپتاعان پابليكتەر شۋلاتىپ جازىپ جاتىر. ينتەرنەت – تاريح! ەرتەڭ بالا-شاعاڭ ەر جەتىپ وسى بىقسىعان اڭگىمەنى وقيتىن بولادى! بالالاردىڭ بولاشاعىن تالقانداپ وتىرسىڭدار! مىقتىلىق دەگەن ايەلدى جەڭۋ ەمەس! مىقتىنىڭ مىقتىسى عانا وتباسىن ساقتاپ قالادى! قاتىن قۇساپ پوست جازىپ, اناۋ انا جاقتان, سەن مىنا جاقتان ابىرويسىز بوپ وتىرسىڭدار. پوپكورن الىپ ەرىگىپ وتىرعان ءبىز قىزىق كينو كورىپ وتىرمىز! ەندى وسى كينونى happy end-پەن اياقتاپ جىبەرىڭدەرشى, ۋفف دەپ دەمالايىق ءبىز دە. ساتتىلىك!»-دەپ جازعان اقىن.