«Kózime shóp saldy»: Astanada burynǵy qyzyn óltirgen jigit qylmysqa ne sebepti barǵanyn aıtty

22 maýsym kúni keshki saǵat 20:30 shamasynda Astanadaǵy «Millennium Park» turǵyn úı kesheninde qaıǵyly oqıǵa boldy. Kúdikti buryn júrgen qyzyn birneshe jerden pyshaqtap óltirip, onyń týǵan baýyryn da jaralaǵan, dep habarlaıdy Qandastar.kz aqparat portaly Azattyq Rýhy-na silteme jasap.

Búgin áleýmettik jelide polıııa kúdiktini qalaı ustaǵany beınelengen vıdeo tarady.

Beınejazbada birneshe polıııa qyzmetkeri kúdiktini ustap, qolyn kisendegenin baıqaýǵa bolady. Jigit qarsylyq tanytpaǵan, ókinishsiz, múdirmesten suraqtardyń bárine jaýap berip tur.

«Qyzdy ne úshin óltirdiń?» degen polıııa qyzmetkerine «kózime shóp saldy» dep ozbyr jaýap bergen.

«Kishkentaı qyz ǵoı» degen polıııanyń ózine jekip «ketseń, óziń ket» dep boqtaıdy.

Kámeletke tolmaǵan inisi de jaraqat alǵan

Aldyn ala málimetter boıynsha, kúdikti marqumnyń burynǵy jigiti. Qyz páterdiń ishinde birneshe pyshaq jaraqatymen tabylǵan. Kórshilerdiń aıtýynsha, oqıǵa aldynda páterden qatty aıqaı-shý estilgen.

Qandy oqıǵadan keıin kúdikti kóshege shyǵyp, ótip bara jatqan adamdarǵa shabýyl jasaǵan. Sol kezde qyzdyń baýyryn jaralaǵan.

Marqumnyń jaraqat alǵan inisi 16 jasta bolyp shyqty. Búgin qalalyq densaýlyq saqtaý basqarmasy balanyń jaǵdaıyna qatysty aqparat berdi.

«2009 jyly týǵan jasóspirim jedel járdemmen ekinshi balalar aýrýhanasyna arqa aımaǵyndaǵy pyshaq jaraqatymen tústi. Aýrýhananyń jedel hırýrgııa bólimine jatqyzyldy. Qazir jaǵdaıy turaqty», — dep málimdedi Astananyń densaýlyq saqtaý basqarmasy.