«Kózqarastarymyz sáıkes kelmeıdi»: Mıras Júginisov aǵasy Rústem úshin keshirim surady

Tanymal hıtmen Mıras Júginisov Aqtóbedegi meshitte bolǵan janjalǵa qatysty pikir bildirip, basy daýǵa qalǵan aǵasyna qatysty oıyn bólisti, dep habarlady Qandastar.kz

О́ner ıesi jeke paraqshasynda jazba jarııalady.

“Sońǵy kúnderi aǵamnyń aıtqan pikiri qoǵamda úlken rezonans týdyryp, keıbir jandardyń kóńiline tıip jatyr. Ol óz oıyn bildirgen jeke tulǵa. Men óz jolym, óz ustanymym bar adammyn. Men otbasymnyń ár múshesin qurmetteımin, biraq olardyń jeke kózqarastary meniń oıymmen árdaıym sáıkes kele bermeıdi. Sol úshin de keıbir kezde máseleler týyndaıdy. Olardy osylaı aıtyp otyramyn dep oılamadym. Ne aıtqym kelgenin sizder túsinip otyrsyzdar”, – dep bastady áńgimesin ánshi.

Sózinshe, ánderiniń deni názik jandylarǵa arnalǵandyqtan, árqashan qyzǵa qurmet kórsetý kerek ekenin esten shyǵarmaǵan.

“Meniń shyǵarmashylyǵym adamǵa qurmet jaıly. Názik jandylarǵa arnalǵan ánderim de bar. О́ıtkeni áıel adamnyń orny meniń ómirimde erekshe. Bul jaǵdaıdan kóńili qalǵan barsha jannan keshirim suraımyn. Sizderdiń senimderińiz men úshin óte mańyzdy”, – dep jazdy Mıras.