جاڭالىقتار
قر وسك-دا ەقىۇ/دياقب دەلەگاتسياسىمەن كەزدەسۋ ءوتتى
2022 جىلعى 23 ماۋسىمدا قازاقستان رەسپۋبليكاسى ورتالىق سايلاۋ كوميسسياسىنىڭ توراعاسى نۇرلان ءابدىروۆ ەقىۇ دەموكراتيالىق ينستيتۋتتار جانە ادام قۇقىقتارى جونىندەگى بيۋروسىنىڭ ديرەكتورى ماتتەو مەكاچچيمەن كەزدەستى.
كەزدەسۋگە قر وسك حاتشىسى مۇحتار ەرمان, سونداي-اق اعا ساياسي كەڭەسشى – ەقىۇ/دياقب ديرەكتورى كەڭسەسىنىڭ باسشىسى فابريتسيو ناۆا, ەقىۇ/دياقب زاڭ ۇستەمدىگى ماسەلەلەرى جونىندەگى وفيتسەرى كەرولين حاممەر قاتىستى.
قر وسك باسشىسى نۇرلان ءابدىروۆ ەقىۇ/دياقب-عا 2022 جىلعى 5 ماۋسىمدا وتكەن قازاقستان رەسپۋبليكاسىنداعى رەفەرەندۋمدى بايقاۋعا ميسسيانىڭ باعىتتالعانى جانە قاتىسقانى ءۇشىن العىس ءبىلدىردى.
ءوز كەزەگىندە, ەقىۇ/دياقب ديرەكتورى ماتتەو مەكاچچي رەفەرەندۋمدى باعالاۋ جونىندەگى ميسسيانىڭ ءوزارا تىعىز ءىس-قيمىلى مەن قولداۋى ءۇشىن, ورتالىق سايلاۋ كوميسسياسى جۇمىسىنىڭ اشىقتىعىنىڭ جوعارى دەڭگەيى ءۇشىن, سونداي-اق سوڭعى 12 جىلدا العاش رەت قازاقستان رەسپۋبليكاسىنداعى 2021 جىلى پارلامەنتتىك سايلاۋدى بايقاۋ جونىندەگى ميسسيانىڭ قورىتىندى ەسەبىنىڭ كەيبىر ەرەجەلەرى مەن ۇسىنىمدارىن پاندىك جانە كاسىبي تالقىلاۋ مۇمكىندىگىن بەرگەنى ءۇشىن العىس ايتتى.
سونىمەن قاتار كەزدەسۋ بارىسىندا قازاقستان رەسپۋبليكاسىنىڭ سايلاۋ زاڭناماسىن جەتىلدىرۋ, قر وسك جانە ەقىۇ/دياقب ىنتىماقتاستىعىن كەڭەيتۋ ماسەلەلەرى تالقىلاندى.
كەزدەسۋ سوڭىندا تاراپتار قر وسك-نىڭ ەقىۇ/دياقب-مەن سايلاۋ ناۋقاندارىن ۇيىمداستىرۋ جانە دايىنداۋ كەزىندە, سونداي-اق ەلەكتورالدىق ناۋقاندار اراسىنداعى كەزەڭدە ساراپشىلىق ءوزارا ءىس-قيمىلدى ودان ءارى ارتتىرۋعا دايىندىعىن راستادى.
