قارجى جانە تولەمدەر
كرەديت بەرۋ جانە قارجىلاندىرۋ ءتاسىلى وزگەردى
فوتو: اشىق دەرەككوز
كرەديت بەرۋ جانە قارجىلاندىرۋ ءتاسىلى وزگەردى, دەپ جازدى qandastar.kz atamekenbusiness_qaz-عا سىلتەمە جاساپ.
بۇل ماسەلە «قازاقستاننىڭ دامۋ بانكىنە» قاتىستى. سمايىلوۆتىڭ كومانداسى اۋديت جۇرگىزگەندە اتالعان بانك جەكەلەگەن قارىز الۋشىلارعا بەكىتىلگەن شەكتى ماننەن تومەن ستاۆكادا كرەديتتەر بەرگەن. اۋديتورلاردىڭ پىكىرىنشە, بۇل مەملەكەتتىك قولداۋ شارالارىنا الۋدا تەڭ جاعداي جاساۋعا مۇمكىندىك بەرمەيدى.
«ناتيجەسىندە بانك ديرەكتورلار كەڭەسىنىڭ شەشىمىمەن وڭدەۋ ونەركاسىبى جوبالارىنىڭ اينالىم كاپيتالىن قارجىلاندىرۋ جانە ەكسپورتتاۋشىلاردى قولداۋ باعدارلامالارىنا وزگەرىستەر ەنگىزىلدى. بۇل بارلىق تۇپكىلىكتى قارىز الۋشىلار ءۇشىن بىرىڭعاي سىياقى مولشەرلەمەسىن جىلدىق 7% مولشەرىندە بەلگىلەۋدى كوزدەيدى», — دەلىنگەن اۋديت حابارلاماسىندا.
سونىمەن قاتار اۋديتورلار بانكتىڭ بيۋدجەت قاراجاتىن 0,15% مولشەرلەمەمەن الىپ, كەيىننەن قارىز الۋشىلارعا 9-11% مولشەرلەمە بويىنشا كرەديت بەرەتىنىن انىقتادى. بۇل بانكتىڭ ارتىق قارجىلاي پايدا الۋىنا جانە مەملەكەت ءۇشىن كىرىستىڭ جەتكىلىكسىزدىگىنە اكەلدى. وسىعان بايلانىستى جوعارى اۋديتورلىق پالاتا بيۋدجەتتىك كرەديتتەۋ شارتتارى بويىنشا پايىزدىق مولشەرلەمەلەردى قايتا قاراۋدى ۇسىندى. ناتيجەسىندە ۇكىمەت 1%-عا دەيىن ارتتىرۋ تاسىلدەرىن ماقۇلدادى.
