Qarjy jáne tólemder
Kredıt berý jáne qarjylandyrý tásili ózgerdi
Foto: ashyq derekkóz
Kredıt berý jáne qarjylandyrý tásili ózgerdi, dep jazdy qandastar.kz atamekenbusiness_qaz-ǵa silteme jasap.
Bul másele «Qazaqstannyń damý bankine» qatysty. Smaıylovtyń komandasy aýdıt júrgizgende atalǵan bank jekelegen qaryz alýshylarǵa bekitilgen shekti mánnen tómen stavkada kredıtter bergen. Aýdıtorlardyń pikirinshe, bul memlekettik qoldaý sharalaryna alýda teń jaǵdaı jasaýǵa múmkindik bermeıdi.
«Nátıjesinde bank dırektorlar keńesiniń sheshimimen óńdeý ónerkásibi jobalarynyń aınalym kapıtalyn qarjylandyrý jáne eksporttaýshylardy qoldaý baǵdarlamalaryna ózgerister engizildi. Bul barlyq túpkilikti qaryz alýshylar úshin biryńǵaı syıaqy mólsherlemesin jyldyq 7% mólsherinde belgileýdi kózdeıdi», — delingen aýdıt habarlamasynda.
Sonymen qatar aýdıtorlar banktiń bıýdjet qarajatyn 0,15% mólsherlememen alyp, keıinnen qaryz alýshylarǵa 9-11% mólsherleme boıynsha kredıt beretinin anyqtady. Bul Banktiń artyq qarjylaı paıda alýyna jáne memleket úshin kiristiń jetkiliksizdigine ákeldi. Osyǵan baılanysty Joǵary aýdıtorlyq palata bıýdjettik kredıtteý sharttary boıynsha paıyzdyq mólsherlemelerdi qaıta qaraýdy usyndy. Nátıjesinde Úkimet 1%-ǵa deıin arttyrý tásilderin maquldady.
