«كسەلل» V دۇنيەجۇزىلىك كوشپەندىلەر ويىندارىنىڭ رەسمي بايلانىس وپەراتورى اتاندى

فوتو: اشىق دەرەككوز

ەلدەگى جەتەكشى ءموبيلدى وپەراتورى «كسەلل» V دۇنيەجۇزىلىك كوشپەندىلەر ويىندارىنىڭ رەسمي بايلانىس وپەراتورى اتاندى. قوس تاراپ ءتيىستى مەموراندۋمعا قول قويدى, – دەپ جازادى qandastar.kz

بۇگىندە سايىس وتەتىن سپورت نىساندارىندا بايلانىس قۇرىلعىلارى مەن قوسىمشا بازالىق ستانتسيالارى ورناتىلىپ جاتىر.
اتاپ ايتساق, «كسەلل» كومپانياسىنىڭ تەحنيكالىق جاساعى «استانا-ارەنا» ستاديونى, «قازانات» اتشابارى جانە ج.ۇشكەمپىروۆ اتىنداعى جەكپە-جەك سارايى, «الاۋ» مۇزايدىنى, «Qazaqstan» جەڭىل اتلەتيكا كەشەنى, قر ۇلتتىق مۋزەيى, «دۋمان» ويىن-ساۋىق كەشەنى اۋماعىنا قوسىمشا 4G جانە 5G بازالىق ستانتسيالارى مەن تەلەكومۋنيكاتسيالىق جابدىقتارىن ورناتۋعا كىرىستى. بۇل شەتەلدىك قوناقتار مەن قاتىسۋشىلارعا ءوز تۋعان-تۋىستارىمەن ەش كەدەرگىسىز بەينەبايلانىسقا شىعىپ, الەۋمەتتىك جەلىلەرگە فوتو, ۆيدەو ماتەريالداردى جەدەل جۇكتەۋگە, تاراتۋعا, بارلىق تسيفرلىق سەرۆيستەردى ۇزدىكسىز پايدالانۋعا مۇمكىندىك بەرەدى.

«ءبىز, ۇلتتىق بايلانىس وپەراتورى رەتىندە, بۇل ويىنداردىڭ قازاقستانعا قانشالىقتى ماڭىزدى ەكەنىن تەرەڭ تۇسىنەمىز. سوندىقتان وسى حالىقارالىق شارانى ءمىنسىز ۇيىمداستىرۋعا ۇلەس قوسۋدى ۇيعاردىق. ونىڭ ىشىندە شەتەلدىك قوناقتار مەن سپورتشىلاردى جىلدام ينتەرنەت پەن ساپالى بايلانىسپەن قامتاماسىز ەتۋ –وتە ماڭىزدى مىندەت. سول ءۇشىن ءبىزدىڭ ماماندار جارىس وتەتىن بارلىق سپورت نىساندارىندا ءتيىستى جۇمىستاردى اتقارىپ جاتىر,- دەدى «كسەلل» اق باسقارما توراعاسى اسقار جامباكين.

ديرەكتسيا باسشىسى نايل نۇروۆ 5-ءشى دۇنيەجۇزىلىك كوشپەندىلەر ويىندارىنىڭ رەسمي بايلانىس وپەراتورى «Kcell» كومپانياسىمەن ىنتىماقتاستىقتىڭ ماڭىزدى ەكەنىن اتاپ ءوتتى.

«5-ءشى دۇنيەجۇزىلىك كوشپەندىلەر ويىندارى اياسىندا «Kcell» كومپانياسىمەن ىنتىماقتاستىق – بارلىق قاتىسۋشىلاردى, سپورتشىلاردى, جاتتىقتىرۋشىلاردى, تورەشىلەردى, ەرىكتىلەر مەن ۇيىمداستىرۋشىلاردى ساپالى ۇيالى بايلانىسپەن جانە تەگىن ينتەرنەتكە قولجەتىمدىلىكپەن قامتاماسىز ەتۋگە باعىتتالعان ستراتەگيالىق ماڭىزدى قادام. ويىنداردى ءساتتى وتكىزۋگە جانە وسى اۋقىمدى ءىس-شارانىڭ بارلىق كەزەڭدەرىندە بايلانىس ورناتۋعا ۇلەس قوسىپ, سەنىمدى كوممۋنيكاتسيالىق ينفراقۇرىلىم جاساۋعا اتسالىسقانى ءۇشىن «Kcell» كومپانياسىنا ريزاشىلىعىمىزدى بىلدىرەمىز», – دەدى ول ءوز سوزىندە.

«كسەلل» اتالعان نىساندارداعى بايلانىس جەلىلەرىن جەتىلدىرىپ قانا قويماي, كوشپەندىلەر ويىندارىنا قاتىساتىن ءار سپورتشىعا, ەرىكتىلەرگە, سونداي-اق ۇيىمداستىرۋ كوميتەتىنىڭ ءار مۇشەسىنە 5G ينتەرنەتى مەن بايلانىسى بار سيم-كارتالاردى تەگىن تاراتپاق. بۇدان بولەك, كومپانيا سپورت كەشەندەرىندە Wi-Fi-سيگنالىن تاراتاتىن ارنايى 5G-روۋتەرلارىن ورناتپاق. سونداي-اق, تاقىرىپتىق SمS-حابارلامالار جولداۋدى جوسپارلاپ وتىر.

«كسەلل» قازاقستاننىڭ حالىقارالىق ارەناداعى مەرەيىن اسىرىپ, بەدەلىن كوتەرۋگە باعىتتالعان بارلىق جوبالاردى قولداۋعا ءازىر. ەلدەگى ەڭ ءىرى بايلانىس وپەراتورى رەتىندە 2010 جىلى استانادا وتكەن ەقىۇ ءسامميتىنىڭ رەسمي سەرىكتەسى بولعانى -سونىڭ ءبىر دالەلى. 2011 جىلى قىسقى ازيادانىڭ دا رەسمي بايلانىس وپەراتورى بوپ تاڭدالعانىمىز تاعى بار. ەندى دۇنيەجۇزىلىك كوشپەندىلەر ويىندارىنان دا تىس قالمادىق. بۇل شارانى قازاقستان جوعارى دەڭگەيدە وتكىزەتىنىنە سەنىمدىمىن,- دەدى اسقار جامباكين.

ەسكە سالا كەتەيىك, دۇنيەجۇزىلىك كوشپەندىلەر ويىندارى – الەمدەگى ەڭ ءىرى ۇلتتىق سپورت دوداسى. العاش رەت 2014 جىلى قىرعىزستاندا وتكەن. استاناداعى جاھاندىق جارىسقا الەمنىڭ 89 ەلىنەن 2800 ادام قاتىسادى. ولار 21 ەتنوسپورت تۇرىنەن سىنعا تۇسپەك. ونىڭ ىشىنە بايگە, كوكپار سەكىلدى ات سپورتى مەن ۇلتتىق كۇرەس, زياتكەرلىك ويىندار مەن ساداق اتۋ سەكىلدى سايىستار بار. جالپى 97 مەدال جيىنتىعى ساراپقا سالىنادى.