قتج كرەديتتىك تاۋەكەلدىڭ «قىزىل» ايماعىندا تۇر

فوتو: el.kz

ەلىمىزدە كولىك سالاسى اقساپ تۇر. جوعارى اۋديتورلىق پالاتانىڭ جۇرگىزگەن تەكسەرىسى مەن ونىڭ ناتيجەسى دە سونى ايشىقتايدى. جاقىندا ماسەلەلەردىڭ بەتىن ءماجىلىس دەپۋتاتى اسحات ايماعامبەتوۆ تا بۇكپەسىز اشتى,  – دەپ حابارلايدى qandastar.kz.

ونىڭ ايتۋىنشا, تەمىرجول سالاسىنداعى تيىمسىزدىك, تريلليونداعان, قايتا-قايتا الىنعان قارىزدار, سونىڭ ىشىندە زەينەتاقى قورىنان الىنعان قارىزدار, مينيسترلىكتىڭ باقىلاۋىنىڭ تىم السىزدىگى, سامۇرىق قازىنانىڭ باسقارۋىنىڭ تيىمسىزدىگىن كورسەتەدى. جوعارى اۋديتورلىق پالاتا توراعاسىنىڭ بايانداماسى سوعان دالەل.

«29 ملرد تەڭگە كولەمىندە قارجىلىق بۇزۋشىلىقتار, 168 ملرد تەڭگە كولەمىندە بيۋدجەتتىك قاراجاتتى ءتيىمسىز جوسپارلاۋ جانە پايدالانۋ انىقتالدى. ەكونوميكالىق شىعىندار مەن جىبەرىلگەن پايدا 307 ملرد تەڭگەنى قۇرادى.

جەكە جۇك تاسىمالداۋشىلار ەڭ پايدالى تاسىمالداردى جۇزەگە اسىرادى, اتاپ ايتقاندا, مۇناي مەن مۇناي ونىمدەرىن, سونداي-اق ەلەكتريفيكاتسيالانعان ۋچاسكەلەردە تولىق پويىز قۇرامى بار مارشرۋتتاردى. جەكە تەمىرجول جۇك تاسىمالداۋشىلارىنىڭ ءتاريفى جوعارى. كەيبىر جاعدايلاردا 32%-عا دەيىن جوعارى. سونىمەن قاتار, ناقتى شىعىنداردى قامتىمايتىن شىعىندار قوسىلادى»,  – دەيدى جوعارى اۋديتورلىق پالاتا توراعاسى.

ايتا كەتەيىك, 2020 جىلدان 2023 جىلعا دەيىنگى كەزەڭدە كتج-نىڭ جالپى جۇك اينالىمىنىڭ 73%-ى وزىندىك قۇنىنان تومەن تاريفتەرمەن تاسىمالدانعان. رەتتەلەتىن تاريفتەر بويىنشا شىعىندار 907 ملرد تەڭگەنى قۇرادى, ونىڭ ىشىندە جارتىسىنان كوبى – ەكسپورتقا.

كومپانيا قازىر كرەديتتىك تاۋەكەلدىڭ «قىزىل» ايماعىندا تۇر. ونىڭ قارىزى 2024 جىلدىڭ باسىندا 2,9 ترلن تەڭگەنى قۇراپ وتىر.

م.سنادين