QTJ kredıttik táýekeldiń «qyzyl» aımaǵynda tur

Foto: el.kz

Elimizde kólik salasy aqsap tur. Joǵary aýdıtorlyq palatanyń júrgizgen tekserisi men onyń nátıjesi de sony aıshyqtaıdy. Jaqynda máselelerdiń betin Májilis depýtaty Ashat Aımaǵambetov ta búkpesiz ashty,  – dep habarlaıdy qandastar.kz.

Onyń aıtýynsha, temirjol salasyndaǵy tıimsizdik, trıllıondaǵan, qaıta-qaıta alynǵan qaryzdar, sonyń ishinde Zeınetaqy qorynan alynǵan qaryzdar, mınıstrliktiń baqylaýynyń tym álsizdigi, Samuryq Qazynanyń basqarýynyń tıimsizdigin kórsetedi. Joǵary aýdıtorlyq palata Tóraǵasynyń baıandamasy soǵan dálel.

«29 mlrd teńge kóleminde qarjylyq buzýshylyqtar, 168 mlrd teńge kóleminde bıýdjettik qarajatty tıimsiz josparlaý jáne paıdalaný anyqtaldy. Ekonomıkalyq shyǵyndar men jiberilgen paıda 307 mlrd teńgeni qurady.

Jeke júk tasymaldaýshylar eń paıdaly tasymaldardy júzege asyrady, atap aıtqanda, munaı men munaı ónimderin, sondaı-aq elektrıfıkaııalanǵan ýchaskelerde tolyq poıyz quramy bar marshrýttardy. Jeke temirjol júk tasymaldaýshylarynyń tarıfi joǵary. Keıbir jaǵdaılarda 32%-ǵa deıin joǵary. Sonymen qatar, naqty shyǵyndardy qamtymaıtyn shyǵyndar qosylady»,  – deıdi Joǵary aýdıtorlyq palata Tóraǵasy.

Aıta keteıik, 2020 jyldan 2023 jylǵa deıingi kezeńde KTJ-nyń jalpy júk aınalymynyń 73%-y ózindik qunynan tómen tarıftermen tasymaldanǵan. Retteletin tarıfter boıynsha shyǵyndar 907 mlrd teńgeni qurady, onyń ishinde jartysynan kóbi – eksportqa.

Kompanııa qazir kredıttik táýekeldiń «qyzyl» aımaǵynda tur. Onyń qaryzy 2024 jyldyń basynda 2,9 trln teńgeni qurap otyr.

M.Snadın