QTJ men Qojamjarovtyń baýyrynyń isi: ekeýdiń kelisimi Aqordadan jetken hattan soń áshkere bolǵan

Foto: Dalanews.kz 

QTJ-nyń enshilesi men Qojamjarov kompanııasynyń «sybaılas kelisimi» Aqordadan jetken hattan soń áshkere bolǵan, dep habarlaıdy qandastar.kz Nege.Aqsha-ǵa siltep.

О́tken aptada Básekelestikti qorǵaý agenttigi «Qazaqstan temir joly – Júk tasymaly» kompanııasy men maılaý materıaldaryn jetkizýshi HILL arasynda básekelestikke qarsy kelisim jasalǵanyn anyqtady. HILL kompanııasy tanymal bıznesmen Dýlat Qojamjarovqa tıesili.

Bul istiń tergelýine Aqordadan jiberilgen materıaldar túrtki bolǵan.

«Tergeýdiń bastalýyna Qazaqstan Respýblıkasy Prezıdenti Ákimshiliginen 2023 jyldyń 11 naýryzynda kelip túsken materıaldar negiz boldy. Atalǵan materıaldarda básekelestikti qorǵaý zańnamasyn buzý belgileri anyq kórsetilgen. Atap aıtqanda, QTJ JT kompanııasy balama jetkizýshilerge dıskrımınaııalyq tásilderdi qoldaný arqyly, HILL kompanııasynyń paıdasyna maılaý materıaldary naryǵyndaǵy básekelestikti shekteıtin jaǵdaılar jasaǵan», – delingen redakııa qolyndaǵy resmı qujatta.

2021 jyldan 2023 jylǵa deıin QTJ JT men HILL arasynda jalpy quny 17,2 mlrd teńgege 13 kelisimshart jasalǵan. Onyń altaýy bir kózden satyp alý ádisimen júzege asyrylǵan.

Tergeý nátıjesinde QTJ JT kompanııasynyń Dýlat Qojamjarovtyń bıznesin lobbılep, basqa óndirýshilerdiń, atap aıtqanda, «Lýkoıl Lýbrıkants entralnaıa Azııa» jáne Evooil sekildi kompanııalardyń naryqqa kirýine kedergi jasaǵany rastaldy.

Mysaly, QTJ JT kompanııasy «Lokomotıv qurastyrý zaýyty» AQ-na arnaıy hat joldap, zaýytqa HILL kompanııasynyń motor maıyn satyp alýdy usynǵan. Al oǵan deıin zaýyt «Lýkoıl M-14D2» maıyn qoldanyp kelgen edi. Hat joldaýǵa negiz retinde HILL kompanııasynyń QTJ JT kompanııasynan maı jetkizý týraly kelisim jasaýǵa kómektesýdi surap jazǵan ótinishi alynǵan. Alaıda bul ótinishtiń negizsiz ekeni dáleldendi. Sebebi teplovoz óndirýshi Wabtec Corporation atalǵan maı túrlerin aralastyryp paıdalanýǵa ruqsat bergen.

«О́z kezeginde, HILL kompanııasynyń «Lokomotıv qurastyrý zaýytymen» maı jetkizý týraly kelisim jasaýǵa kómektesýin surap, QTJ JT-ǵa júginýi jáne osy ótinish negizinde QTJ JT tarapynan hat joldanýy – HILL múddesiniń qoldaý tapqanyn kórsetedi», – delingen resmı qujatta.

Sonymen qatar QTJ JT satyp alý proedýralaryn da jıi ózgertip, HILL kompanııasyna qolaıly jaǵdaı jasap otyrǵan.

«QTJ JT men HILL kompanııasy arasyndaǵy básekelestikke qarsy kelisimnen memleketke kelgen shyǵynnyń boljamdy mólsheri – 2,3 mlrd teńge», – dep kórsetilgen qujatta.

Qojamjarovtyń kompanııasy QTJ-nyń enshiles kompanııasy sheshimderdi derbes qabyldaǵanyn alǵa tartyp, tergeý qorytyndylaryna qarsylyq bildirgenimen, sot Básekelestikti qorǵaý agenttiginiń áreketterinen eshqandaı zańbuzýshylyq tappaǵan.

Dýlat Qojamjarov – burynǵy Bas prokýror jáne senator Qaırat Qojamjarovtyń týǵan inisi. Forbes Kazakhstan jýrnaly onyń baılyǵyn 110 mln dollarǵa baǵalap, eldegi eń baı bıznesmender tiziminde 57-orynǵa jaıǵastyrǵan.