جاڭالىقتار
قتج-نىڭ ەنشىلەس ۇيىمىندا 56 ملن تەڭگەدەن استام قارجى ۇرلانعان
فوتو: rail-news.kz
«قازاقستان تەمىر جولى» ۇلتتىق كومپانياسى «قتج-جۇك تاسىمالى» ەنشىلەس ۇيىمىندا ىشكى تەكسەرىس بارىسىندا 56 ميلليون تەڭگەدەن استام قارجىنىڭ ۇرلانعانىن انىقتادى, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.
“ىشكى قىزمەتتىك تەرگەۋ ناتيجەلەرى بويىنشا “قازاقستان تەمىر جولى” كومپانياسىنىڭ ەنشىلەس ۇيىمى «قتج-جۇك تاسىمالى» جشس-ىندە 56 ميلليون تەڭگەدەن استام قارجىنىڭ ۇرلانعانى انىقتالدى», – دەلىنگەن حابارلامادا.
قتج قۇقىق قورعاۋ ورگاندارىنا قىلمىستىق-پروتسەسسۋالدىق زاڭناما شەڭبەرىندە كىنالى تۇلعالاردى انىقتاپ, ماتەريالدىق شىعىندى وتەۋ بويىنشا شارالار قابىلداۋ تۋرالى ءوتىنىش جولدادى.
«تەرگەۋ شارالارى جۇرگىزىلىپ جاتىر. قتج الدىن الا تەرگەۋدىڭ باستاماشىسى رەتىندە تەرگەۋگە تولىق كومەك كورسەتۋدە. كومپانيادا مۇنداي جاعدايلاردى بولدىرماۋ ماقساتىندا جۇيەلى جۇمىس جۇرگىزىلىپ, كەز كەلگەن زاڭبۇزۋشىلىقتارعا قاتاڭ جازا قولدانادى», – دەپ اتاپ ءوتتى ۇلتتىق كومپانيانىڭ ءباسپاسوز قىزمەتى.
