QTJ-nyń enshiles uıymynda 56 mln teńgeden astam qarjy urlanǵan

Foto: rail-news.kz

«Qazaqstan temir joly» ulttyq kompanııasy «QTJ-Júk tasymaly» enshiles uıymynda ishki tekseris barysynda 56 mıllıon teńgeden astam qarjynyń urlanǵanyn anyqtady, dep habarlaıdy  qandastar.kz Skifnews.kz aqparat portalyna silteme jasap. 

“Ishki qyzmettik tergeý nátıjeleri boıynsha “Qazaqstan temir joly” kompanııasynyń enshiles uıymy «QTJ-Júk tasymaly» JShS-inde 56 mıllıon teńgeden astam qarjynyń urlanǵany anyqtaldy», – delingen habarlamada.

QTJ quqyq qorǵaý organdaryna qylmystyq-proessýaldyq zańnama sheńberinde kináli tulǵalardy anyqtap, materıaldyq shyǵyndy óteý boıynsha sharalar qabyldaý týraly ótinish joldady.

«Tergeý sharalary júrgizilip jatyr. QTJ aldyn ala tergeýdiń bastamashysy retinde tergeýge tolyq kómek kórsetýde. Kompanııada mundaı jaǵdaılardy boldyrmaý maqsatynda júıeli jumys júrgizilip, kez kelgen zańbuzýshylyqtarǵa qatań jaza qoldanady», – dep atap ótti ulttyq kompanııanyń baspasóz qyzmeti.