QTJ taǵy bir áıelder vagonyn iske qosady

Foto: ashyq derekkóz

«Jolaýshylar tasymaly» AQ 1 maýsymnan bastap №614/613 «Oral–Mańǵystaý» baǵytyndaǵy poıyz quramynda áıelder vagonyn iske qosady. Osylaısha, jańa vagonnyń qosylýymen «Áıelder vagony» qyzmeti kórsetiletin baǵyttardyń jalpy sany 12-ge jetedi, dep jazdy qandastar.kz

Qazirgi ýaqytta áıelder vagondary kelesi baǵyttarda júredi:

•  №77/78 «Almaty – Mańǵystaý»;
•  №351/352 «Almaty – Mańǵystaý»;
•  №45/46 «Pavlodar – Túrkistan»;
•  №37/38 «Mańǵystaý – Semeı»;
•  №47/48 «Atyraý – Astana»;
•  №33/34 «Aqtóbe – Almaty»;
•  №4/3 «Astana – Almaty»;
•  №71/72 «Astana – Shymkent»;
•  №354/353 «Astana – Semeı»;
•  №24/23 «Aqtóbe – Almaty»;
•  №25/26 «Almaty – Shymkent»;
•  №614/613 «Oral – Mańǵystaý».

Áıelder vagonynda bıletter tek áıel jolaýshylarǵa satylady, al qyzmet kórsetý mindetin arnaıy daıyndyqtan ótken áıel jolserikter oryndaıdy. Sonymen qatar, bul vagonda jeti jasqa deıingi ul balalardyń birge júrýine ruqsat berilgen.

Áıelder vagonyna bıletterdi vokzaldaǵy kassalardan satyp alýǵa bolady. Bul kezde kassa qyzmetkerine áıelder vagonynan oryn tańdaǵyńyz keletinin aldyn ala aıtý qajet. Sondaı-aq bıletterdi bilet.railways.kz resmı saıtynan onlaın satyp alýǵa múmkindik bar. Onlaın rásimdeý kezinde bılettiń áıelder vagonyna tıesili ekenin bildiretin «ÁV» (áıelder vagony) belgisine nazar aýdarý kerek.