جاڭالىقتار
«قتج-جۇك تاسىمالى» قىزمەتىنە قاتىستى زاڭسىزدىقتى اشكەرەلەدى
فوتو: ulysmedia.kz.
باسەكەلەستىكتى قورعاۋ جانە دامىتۋ اگەنتتىگى جۇرگىزگەن تەرگەپ-تەكسەرۋ ناتيجەسىندە HILL Corporation جشس مەن «قتج-جۇك تاسىمالى» جشس اراسىنداعى باسەكەلەستىككە قارسى كەلىسىم انىقتالدى, دەپ حابارلايدى qandastar.kz
تەرگەپ-تەكسەرۋ بارىسىندا «قتج-جت» لوكوموتيۆتەرگە ارنالعان موتور مايلارىن ساتىپ الۋ كەزىندە الەۋەتى جەتەتىن جەتكىزۋشىلەردى لايىقتى كورمەي, ارنايى شارتتار قولدانعانى بەلگىلى بولدى. بۇل ولاردىڭ ساتىپ الۋ كونكۋرستارىنا قاتىسۋىنا كەدەرگى كەلتىرىپ, باستاپقىدا-اق HILL Corporation كومپانياسىنىڭ مۇددەسىنە جۇمىس ىستەۋىنە باعىتتالعان ارەكەتتەردى ايقىندادى.
بقدا جۇرگىزگەن تەرگەپ-تەكسەرۋ ناتيجەلەرىنە قاتىستى كومپانيا سوتقا شاعىمدانعان بولاتىن. الايدا, 2025 جىلعى 11 ناۋرىزداعى جوعارعى سوت قاۋلىسىنا سايكەس, جەرگىلىكتى سوتتاردىڭ HILL Corporation جشس مەن «قتج-جۇك تاسىمالى» جشس قاتىستى اگەنتتىك تەرگەپ-تەكسەرۋىنىڭ زاڭدى ەكەنى تۋرالى شەشىمدەرى ءوز كۇشىنە ەندى. لوكوموتيۆتەرگە ارنالعان موتور مايلارىن جەتكىزۋ سالاسىندا انىقتالعان باسەكەلەستىككە قارسى كەلىسىمنىڭ جالپى سوماسى 12 ملرد تەڭگەدەن استى, – دەلىنگەن حابارلامادا.
