«QTJ-Júk tasymaly» qyzmetine qatysty zańsyzdyqty áshkereledi

Foto: ulysmedia.kz.

Básekelestikti qorǵaý jáne damytý agenttigi júrgizgen tergep-tekserý nátıjesinde HILL Corporation JShS men «QTJ-Júk tasymaly» JShS arasyndaǵy básekelestikke qarsy kelisim anyqtaldy,  dep habarlaıdy qandastar.kz

Tergep-tekserý barysynda «QTJ-JT» lokomotıvterge arnalǵan motor maılaryn satyp alý kezinde áleýeti jetetin jetkizýshilerdi laıyqty kórmeı, arnaıy sharttar qoldanǵany belgili boldy. Bul olardyń satyp alý konkýrstaryna qatysýyna kedergi keltirip, bastapqyda-aq HILL Corporation kompanııasynyń múddesine jumys isteýine baǵyttalǵan áreketterdi aıqyndady.

BQDA júrgizgen tergep-tekserý nátıjelerine qatysty kompanııa sotqa shaǵymdanǵan bolatyn. Alaıda, 2025 jylǵy 11 naýryzdaǵy Joǵarǵy sot qaýlysyna sáıkes, jergilikti sottardyń HILL Corporation  JShS men «QTJ-Júk tasymaly» JShS qatysty Agenttik tergep-tekserýiniń zańdy ekeni týraly sheshimderi óz kúshine endi. Lokomotıvterge arnalǵan motor maılaryn jetkizý salasynda anyqtalǵan básekelestikke qarsy kelisimniń jalpy somasy 12 mlrd teńgeden asty, – delingen habarlamada.