جاڭالىقتار
«قۋانا-قۋانا بيلەت الدىم»: ايدا بالاەۆا ءانشى دجەننيفەر لوپەستىڭ كونتسەرتىنە باراتىنىن ايتتى
فوتو: Stan.kz
مينيستر ايدا بالاەۆا امەريكالىق ءانشى دجەننيفەر لوپەستىڭ كونتسەرتىنە باراتىنىن ايتتى, دەپ جازدى qandastar.kz
بۇل تۋرالى Stan.kz اقپارات اگەنتتىگى حابارلايدى.
ايتا كەتەيىك, تامىز ايىندا الەم جۇلدىزى استانا ارەنا كەشەنىندە كونتسەرت بەرمەك.
«مەن دجەننيفەر لوپەستىڭ كونتسەرتىنە قۋانا – قۋانا بارامىن. ويتكەنى, ونىڭ اۋديتورياسى كەڭ, الەمدىك مويىنداتقان تالانتى بار. ونى ءوز كوزىمىزبەن كورگىمىز كەلەدى. مەن بيلەت الدىم, بالالارىممەن بىرگە وسى كونتسەرتكە بارامىن», — دەدى مادەنيەت ءمينيسترى ۇكىمەتتە وتكەن بريفينگتە.
ەسكە سالايىق, بۇعان دەيىن الەمدىك جۇلدىز دجەننيفەر لوپەستىڭ استانادا وتەتىن كونتسەرتىنە بيلەت ساتىپ الۋ كەزىندە Ticketon.kz سەرۆيسىندە تەحنيكالىق اقاۋ پايدا بولعان ەدى. سەرۆيستىڭ نەگىزىن قالاۋشى الەكسەي لي Threads-تەگى پاراقشاسىندا اقاۋدىڭ سەبەبىن ءتۇسىندىردى. ول ءانشىنىڭ جانكۇيەرلەرىنەن كەشىرىم سۇراپ, قولايسىزدىقتىڭ ورنىن تولتىراتىنىنا ۋادە ەتتى. الايدا Instagram جەلىسىندە الىپ-ساتارلاردىڭ جارناماسى تارادى. ول جاقتا بيلەت قۇنى 500 مىڭ تەڭگە كورىنەدى. وسىلايشا ول VIP ورىندارعا بيلەتتەر ۇسىنىپ, فان-زوناعا بيلەت تە ساتاتىنىن ايتقان.
