«قۋاندىق اقتالۋى كەرەك ەدى»: بيشىمباەۆتىڭ اپكەسى سوت ۇكىمىنە قاتىستى پىكىر ءبىلدىردى

فوتو: tengrinews.kz

ايەلى سالتانات نۇكەنوۆانى ولتىرگەنى ءۇشىن 24 جىلعا سوتتالعان ەكس-مينيستر قۋاندىق بيشىمباەۆتىڭ اپكەسى سوت ۇكىمىنە قاتىستى پىكىر ءبىلدىردى. بۇل تۋرالى Stan.kz اقپارات اگەنتتىگى حابارلايدى.

الەۋمەتتىك جەلىدە بيشىمباەۆتىڭ اپكەسىنىڭ سوت زالىندا سوت ۇكىمىنە قاتىستى ايتقان پىكىرى تۇسىرىلگەن ۆيدەو جاريالاندى.

“مەنىڭ ويىمشا, ول اقتالۋى كەرەك ەدى, سەبەبى قازىر ول بارلىعىنىڭ نەمقۇيرىلىلىعى ءۇشىن جازالانىپ جاتىر. كوزى تىرىسىندە سالتاناتتىڭ اتا-اناسى دا, اعاسى دا وعان نەمقۇرايلى قاراعان, ءتىپتى سالتانات ءوز-وزىنە نەمقۇرايلى قاراعان. وعان قامقورلىق كورسەتكەن, ول ءۇشىن الاڭداعان جالعىز ادام قۋاندىق ەدى. ول سالتانتتى شىنايى جاقسى كوردى. قازىر قۋاندىقتى ونى ۇرعانى ءۇشىن سوتتاپ جاتقان جوق, ۇرعاننان ادام ولمەيدى”, – دەيدى سوتتالۋشىنىڭ اپكەسى.

بيشىمباەۆتىڭ اپكەسى قۋاندىق پەن سالتاناتقا ايىرىلىسىپ, ەكى جاققا كەتۋدى ۇسىنعانىن ايتتى.

“سەندەرگە مۇنداي قارىم-قاتىناس قاجەت ەمەس, ايىرىلىسىڭدار دەپ ۇسىنىس ايتقان ءبىز ەدىك. سالتاناتتىڭ اتا-اناسىنا بۇعان قاتىستى ەشتەڭە ىستەگەن جوق, اعاسى دا ءدال سولاي. سول ءتۇنى سالتانات اعاسى قوڭىراۋ شالعان, نەگە كەلمەگەن? نەگە قايتا قوڭىراۋ شالماعان, نەگە ىزدەمەگەن? ول تەلەفونى ارقىلى سالتاناتتىڭ قايدا جۇرەگىنىن كورىپ وتىرعان عوي. نەگە ۇيىنەن شىعىپ, كولىگىنە وتىرىپ, ءۇيىنىڭ جانىنداعى مەكەنجايعا بارا الماعان? نەمقۇرايلىلىق”, – دەيدى بيشىمباەۆتىڭ اپكەسى.

ەسكە سالساق, بۇعان دەيىن اپەللياتسيالىق سوت قۋاندىق بيشىمباەۆ پەن باقىتجان بايجانوۆقا قاتىستى ۇكىمىن وزگەرىسسىز قالدىرعانى تۋرالى جازعان ەدىك.