جاڭالىقتار
«قۋاندىق بيشىمباەۆ جۇباتادى»: پوليتسيا ءشارىپ سەرىكتىڭ ارىزىن قاناعاتتاندىرمادى
ءبىراز ۋاقىت بۇرىن بەلگىلى اكتەر ءشارىپ سەرىك قۇربىسىنا قول كوتەرىپ, باسى داۋعا قالعان بولاتىن, دەپ جازادى Qandastar.kz اقپارات پورتالى.
وسى شۋلى وقيعادان كەيىن بەلگىسىز جەلى قولدانۋشىسى جاساندى ينتەللەكت ارقىلى قۋاندىق بيشىمباەۆتىڭ ءشارىپ سەرىكتى جۇباتىپ وتىرعان ۆيدەو جاساعان. اكتەر وسى روليك ءۇشىن اۆتوردى سوتقا بەرگەن. بىراق پوليتسيا بۇل روليكتەن ەشقانداي زاڭ بۇزۋشىلىق تاپپادى.
«اتالعان فاكتى بويىنشا تەكسەرۋ جۇرگىزىلدى. ۆيدەوماتەريالدى جاساۋ بارىسىندا جەكە ومىرگە قولسۇعۋ, دەربەس دەرەكتەر جانە ازاماتتاردىڭ وزگە دە قۇقىقتارىن بۇزۋ بەلگىلەرى انىقتالعان جوق. تەكسەرۋ ناتيجەسىندە قۇقىقبۇزۋشىلىق قۇرامىنىڭ بولماۋىنا بايلانىستى ءوتىنىش قاراۋسىز قالدىرىلدى», – دەپ حابارلادى پوليتسيا.
